பயணிகளை மறந்து சென்ற விமானம் - மோடியின் அலுவலகத்தை குறிப்பிட்டு டுவிட்டரில் புகார்

Twitter India

By Dharu Jan 10, 2023 09:32 AM GMT

Dharu

in உலகம்

Report

விமானத்திற்காக காத்திருந்த பயணிகளை விமானம் ஒன்று விட்டு சென்ற சம்பவம் ஒன்று பதிவாகியுள்ளது.

இந்தியாவின் கர்நாடக மாநிலம் பெங்களூருவிலிருந்து புறப்பட்ட விமானம் ஒன்று, பேருந்தில் காத்திருந்த 50 பயணிகளை மறந்து சென்றதாக கூறப்படுகிறது.

பெங்களூரில் இருந்து புறப்பட்ட Go First Airways விமானம், விமானத்திற்காக பேருந்தில் இருந்த 50க்கும் மேற்பட்ட பயணிகளை மறந்து போனதை அடுத்து,இந்திய விமான போக்குவரத்து ஒழுங்குமுறை ஆணையம் குறித்த விமான நிறுவனத்திடம், இந்த சம்பவம் குறித்த அறிக்கையை கேட்டுள்ளது.

நரேந்திர மோடியின் அலுவலகத்தை

பயணிகளை மறந்து சென்ற விமானம் - மோடியின் அலுவலகத்தை குறிப்பிட்டு டுவிட்டரில் புகார் | Go First Flight Forgets 50 Passengers Bus India

குறித்த சம்பவம் தொடர்பில் டுவிட்டரில் பல பயணிகள் விமான நிறுவனத்தை அவதூறாகப் பேசியதை அடுத்து, இந்த விடயத்தை கவனித்து வருவதாக சிவில் விமானப் போக்குவரத்து இயக்குநரகம் இன்று தெரிவித்தது.

ஜி8 116 என்ற விமானம் திங்கள்கிழமை காலை 6.30 மணியளவில் பெங்களூரு கெம்பேகவுடா சர்வதேச விமான நிலையத்தில் இருந்து டெல்லிக்கு புறப்பட்டது. நான்கு பேருந்துகளில் பயணிகள் விமானத்திற்கு அழைத்துச் செல்லப்பட்டனர். இதையடுத்து, பயணிகள் விமான நிறுவனம், சிவில் விமானப் போக்குவரத்து அமைச்சர் ஜோதிராதித்ய சிந்தியா மற்றும் பிரதமர் நரேந்திர மோடியின் அலுவலகத்தை குறிப்பிட்டு டுவிட்டரில் புகார் அளித்துள்ளனர்.

குறித்த நிறுவனம் டுவீட்களுக்கு பதிலளித்து, "ஏற்பட்ட சிரமத்திற்கு வருந்துகிறோம்" என்று கூறியுள்ளது.