கோட்டாபயவின் பாதுகாப்பை உறுதிப்படுத்தவும் - நாடு திரும்புவதற்கான ஏற்படுகளை செய்யவும்! ரணிலிடம் கோரிக்கை
முன்னான் அதிபர் கோட்டாபய ராஜபக்சவின் பாதுகாப்பை உறுதிப்படுத்தி அவர் மீண்டும் நாட்டுக்கு திரும்பி வருவதற்கு தேவையான வசதிகளை ஏற்படுத்திக்கொடுக்குமாறு சிறிலங்கா பொதுஜன பெரமுன அதிபர் ரணில் விக்ரமசிங்கவிடம் கோரிக்கை விடுத்துள்ளதாக ஆளும் கட்சியின் பிரதான அமைப்பாளரும், நகர அபிவிருத்தி அமைச்சருமான பிரசன்ன ரணதுங்க தெரிவித்துள்ளார்.
கொழும்பில் இன்று நடைபெற்ற வைபவம் ஒன்றின் பின்னர் ஊடகவியலாளர்களுக்கு கருத்துரைக்கும் போதே அவர் இந்த விடயத்தினை தெரிவித்தார்.
நாட்டுக்கு சேவை செய்யவே கோட்டாபய அமெரிக்க குடியுரிமையை கைவிட்டார்
தொடர்ந்து கருத்துரைத்த அவர், " முன்னாள் அதிபர் மீண்டும் அரசியலுக்கு வரும் தீர்மானம் ஒன்றை எடுப்பார் என நான் எந்த வகையிலும் நம்பவில்லை. நாட்டின் சாதாரண மக்களுக்கு இருக்கும் சுதந்திரம் முன்னாள் அதிபர் கோட்டாபய ராஜபக்சவுக்கும் கிடைக்க வேண்டும்.
நாட்டுக்கு சேவை செய்யவே அவர் அமெரிக்க குடியுரிமையை கைவிட்டு வந்தார். போராட்டகாரர்களுக்கு அஞ்சி அவர் வெளிநாட்டில் தங்கியிருக்க இடமளிக்க முடியாது. அப்படி செய்தால், அவரது மனித உரிமை மீறப்படும்.
நாடு டொலர் நெருக்கடியை எதிர்நோக்கி இருப்பதால், மக்களின் பிரச்சினைகளுக்கு தீர்வுகாண சிறிலங்கா பொதுஜன பெரமுன நிபந்தனையற்ற ஆதரவை அதிபருக்கு வழங்கும்.
பெரும்பான்மையுடன் மொட்டுக்கட்சி
நாடாளுமன்றத்தில் தற்போதும் பொதுஜன பெரமுனவுக்கு 145 நாடாளுமன்ற உறுப்பினர்கள் இருக்கின்றனர். அதிபரை தெரிவு செய்யும் வாக்கெடுப்பில் பொதுஜன பெரமுனவின் 125 நாடாளுமன்ற உறுப்பினர்களின் வாக்குகள் ரணில் விக்ரமசிங்கவுக்கு கிடைத்தது. நாட்டின் பிரச்சினைகளை தீர்ப்பதற்கு நாடாளுமன்றத்தில் பெரும்பான்மை பெரும் பலமாக இருக்கும்.
அத்துடன் தற்போதைய அதிபர் ரணில் விக்ரமசிங்கவின் தலைமைத்துவத்தை ஏற்றுக்கொண்ட பெரும்பாலானவர்கள் எதிர்ககட்சியில் இருக்கின்றனர்.
சஜித்திடம் முன்வைக்கப்பட்ட கோரிக்கை
சர்வக்கட்சி அரசாங்கமோ அல்லது இடைக்கால அரசாங்கமே அதற்கு ஆதரவளிப்பது என்றால் நேர்மையான மனநிலையில் அதனை செய்யுமாறு எதிர்க்கட்சித் தலைவரிடம் கோரிக்கை விடுக்கின்றேன்.
அமைச்சர்களை நியமிக்கும் போது அதற்கு தகுதியானவர்களை தெரிவு செய்யும் அதிகாரம் கட்சிகளுக்கு வழங்க தீர்மானிக்கப்பட்டுள்ளது", எனக் குறிப்பிட்டார்.
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
