கடுமையான அடக்குமுறைச்சட்டங்களை நிறைவேற்றத் தயாராகும் அரசு : விமல் வீரவன்ச குற்றச்சாட்டு

Sri Lanka Police Wimal Weerawansa Sri Lanka Prevention of Terrorism Act NPP Government

By Jaso Nov 04, 2026 12:55 PM GMT

Jaso

in அரசியல்

Report

கடந்த காலத்தில் அடக்குமுறைச் சட்டங்களால் அளவற்ற துன்பங்களுக்கு ஆளான ஒரு அரசியல் இயக்கம் ஆட்சிக்கு வந்த பிறகு, தனது மூன்றில் இரண்டு பங்கு பெரும்பான்மை அதிகாரத்தைப் பயன்படுத்தி, அதைவிடவும் கடுமையான அடக்குமுறைச் சட்டங்களை நிறைவேற்றத் தயாராகி வருவதாக தேசிய சுதந்திர முன்னணியின் தலைவர் விமல் வீரவன்ச கடுமையாகக் குற்றம் சாட்ட்டியுள்ளார். இதன் மூலம் நாடு தன்னிச்சையான மற்றும் அரசியலமைப்பு ரீதியான சர்வாதிகாரத்தை நோக்கிச் சென்று கொண்டிருப்பதாக அவர் சுட்டிக்காட்டுகிறார்.

அரசாங்கம் கொண்டுவரவுள்ள புதிய பயங்கரவாத எதிர்ப்புச் சட்டம் மற்றும் குற்றவியல் சட்டத்தில் கொண்டுவரப்படும் பாரிய திருத்தங்கள் குறித்து கருத்துத் தெரிவிக்கும்போதே அவர் இவ்வாறு கூறினார்.

அமைதியான வாழ்க்கைக்கு ஏற்படும் அச்சுறுத்தல்

இந்த புதிய சட்டங்கள் மூலம் இந்த நாட்டின் சாதாரண குடிமகனின் சுதந்திரமான மற்றும் அமைதியான வாழ்க்கைக்கு ஏற்படும் அச்சுறுத்தல் சாதாரணமாக இருக்காது என்று அவர் வலியுறுத்துகிறார்.

கடுமையான அடக்குமுறைச்சட்டங்களை நிறைவேற்றத் தயாராகும் அரசு : விமல் வீரவன்ச குற்றச்சாட்டு | Gover Enact Harsh Repressive Laws Alleges Wimal

தேசிய சுதந்திர முன்னணியின் தலைவர் மேலும் சுட்டிக்காட்டியுள்ளபடி, இந்த புதிய சட்டங்கள் நாட்டின் ஊடக சுதந்திரத்திற்கு மிகவும் பாதகமான தாக்கத்தை ஏற்படுத்தும். அத்துடன், கருத்துச் சுதந்திரம் மற்றும் அமைதியான முறையில் கூடும் உரிமை உள்ளிட்ட பல அடிப்படை உரிமைகள் இதன் மூலம் முழுமையாக மீறப்படும் என்றும் அவர் கூறுகிறார்.

காவல்துறை அடக்குமுறை ஆட்சி

தற்போதைய நாடாளுமன்ற அதிகாரத்தைப் பயன்படுத்தி இந்த அடக்குமுறைச் சட்டங்கள் நிறைவேற்றப்பட்டால், அதன் பின்னர் இந்த நாட்டில் உருவாகப் போவது அரசியலமைப்பு ரீதியான சர்வாதிகாரத்துடன் கூடிய, காவல்துறை அடக்குமுறை ஆட்சி செய்யும் ஒரு கொலைகார அரசுதான் என்று விமல் வீரவன்ச கடுமையாக எச்சரித்துள்ளார்.