அரச ஊழியர்களின் ஓய்வூதியம் குறித்து வெளியான அறிவிப்பு..!
அரச சேவையிலிருந்து ஓய்வுபெறும் பணியாளர்களுக்கு உரிய ஓய்வூதியத்தை காலதாமதம் இன்றி வழங்குவதற்கான திட்டம் ஒன்று முன்வைக்கப்பட்டுள்ளது.
இது தொடர்பான வேலைத்திட்டம் தொடர்பில் மக்களை தெளிவுபடுத்துவதற்கும் நடவடிக்கை எடுக்குமாறு நாடாளுமன்ற உறுப்பினர் ஜெகத் குமார சுமித்திராராச்சி, ஓய்வூதிய திணைக்களத்துக்கு அறிவுறுத்தல் விடுத்துள்ளார்.
வெளிப்படையான மற்றும் பொறுப்புக்கூற வேண்டிய அரசாங்கமொன்று பற்றிய துறைசார் மேற்பார்வை குழு முன்னிலையில் அண்மையில் ஓய்வூதியத் திணைக்களம் அழைக்கப்பட்டிருந்த போதே இந்த விடயம் குறித்து கவனம் செலுத்தப்பட்டுள்ளது.
முறைப்பாடுகள்
இது குறித்து மேலும் கருத்து தெரிவித்த ஜெகத் குமார சுமித்திராராச்சி,
ஓய்வூதியம் பெறுவதற்கு நீண்ட காலம் காத்திருக்க வேண்டியதால் மக்கள் சிரமத்திற்கு உள்ளாகியுள்ளனர்.
இது நீண்டகாலமாக நிலவிவரும் பிரச்சினை. இது தொடர்பில் அடிக்கடி முறைப்பாடுகள் கிடைக்கப்பெறுகிறது." என தெரிவித்தார்.
"இந்நிலையில் உரிய முறையில் பூர்த்தி செய்யப்பட்ட ஓய்வூதிய விண்ணப்பம் கிடைக்கப்பெற்றால் ஒரு மாதத்திற்குள் ஓய்வூதியத்தை வழங்க முடியும். விண்ணப்பப் படிவம் உரிய முறையில் பூர்த்தி செய்யப்படாமையால் பல பிரச்சினைகளுக்கு முகங்கொடுக்க வேண்டி இருப்பதாக அதிகாரிகள் தெரிவித்துள்ளனர்.
மக்கள் மத்தியில் பெரும் ஏமாற்றம்
இது தொடர்பில் மேலும் தெரிவித்த உறுப்பினர்கள்,
“ஓய்வூதியம் தொடர்பான தகவல்களை அறிய முறையான அமைப்பு இல்லாததால் ஓய்வூதியத் துறை குறித்து மக்கள் மத்தியில் பெரும் ஏமாற்றம் நிலவுகின்றது.
எனவே, நவீன தொழில்நுட்பத்தை பயன்படுத்தி மக்களுக்கு இலகுவாக சேவைகளை வழங்கக்கூடிய வகையில் இந்த முறைமை அமைக்கப்பட வேண்டும்.
ஓய்வூதியம் தொடர்பில் ஒவ்வொரு பிரதேச செயலகத்திற்கும் பட்டதாரி உத்தியோகத்தர் ஒருவரை நியமிப்பது தொடர்பில் கவனம் செலுத்த வேண்டும்.
அந்தந்த மாவட்டங்களை சேர்ந்த ஓய்வூதியம் பெறுபவர்களின் சங்கங்களை குழு முன்னிலையில் அழைத்து அவர்களின் பிரச்சினைகள் குறித்து ஆராய்வது சரியானது.”என சுட்டிக்காட்டியுள்ளனர்.
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
