கொழும்பில் நடந்த துப்பாக்கிச் சூடு - சிக்கிய முக்கிய சந்தேகநபர்

Colombo Sri Lanka Police Investigation Crime Branch Criminal Investigation Department Crime Gun Shooting

By Thulsi Sep 13, 2025 02:55 AM GMT

Thulsi

in குற்றம்

Report

கொழும்பு - பொரளை (Borella) பகுதியில் இரண்டு பேரை சுட்டுக் கொன்ற சம்பவத்தில் துப்பாக்கிச் சூடு நடத்தியதாக சந்தேகிக்கப்படும் ஒருவர் கைது செய்யப்பட்டுள்ளார்.

சந்தேக நபர் அம்பாறை, தமன பகுதியைச் சேர்ந்த 34 வயதானவர் என தெரிவிக்கப்படுகின்றது.

சந்தேக நபர் 10 கிராம் 710 மில்லிகிராம் ஐஸ் போதைப்பொருள் மற்றும் மோட்டார் சைக்கிளுடன் கைது செய்யப்பட்டு தமன காவல்நிலையத்தில் ஒப்படைக்கப்பட்டதாக காவல்துறையினர் தெரிவித்தனர்.

விசேட சுற்றிவளைப்பு

சம்பவம் தொடர்பில் தெரியவருகையில், 07.08.2025 அன்று பொரளை காவல்துறை பிரிவில் உள்ள சஹஸ்புர சிறிசர உயன விளையாட்டு மைதானத்தில் இரண்டு பேரை சுட்டுக் கொன்று மூவரைக் காயப்படுத்திய குற்றம் குறித்து ஜயவர்தனபுர காவல்துறை விசேட அதிரடிப்படையின் விசேட சுற்றிவளைப்பு பிரிவு விசாரணைகளைத் தொடங்கியது.

கொழும்பில் நடந்த துப்பாக்கிச் சூடு - சிக்கிய முக்கிய சந்தேகநபர் | Gun Shooting In Colombo Borella Yesterday

அதன்படி, நேற்று (12) மதியம் தமன காவல்துறை பிரிவில் இந்தக் குற்றத்தில் துப்பாக்கிச் சூடு நடத்தியதாக சந்தேகிக்கப்படும் நபரை அந்தப் பிரிவின் அதிகாரிகள் கைது செய்தனர்.

இதுவரை நடத்தப்பட்ட விசாரணையில், சந்தேக நபர் முன்னர் இலங்கை இராணுவத்தில் பணியாற்றியவர் என்றும், 2015 ஆம் ஆண்டு இராணுவத்திலிருந்து தப்பிச் சென்றவர் என்றும் தெரியவந்துள்ளது.

சம்பவம் குறித்து தமன காவல்துறையினர் மேலதிக விசாரணைகளை முன்னெடுத்துள்ளனர்.