வெளிநாட்டில் துன்புறுத்தலுக்குள்ளான மனைவி: கணவர் எடுத்த தவறான முடிவு
வீட்டு வேலைக்காக சவூதி (Saudi Arabia) சென்ற மனைவி கொடூர தவறான துன்புறுத்தல் மற்றும் சித்திரவதைக்கு ஆளாகியதன் காரணமாக கணவன் தவறான முடிவு எடுத்துக்கொண்ட துயரச் சம்பவம் ஒன்று பதிவாகியுள்ளது.
தம்புள்ளை (Dambulla) அலகொலவெவ என்ற துார பிரதேசத்தில் வசித்து வந்த 4 பிள்ளைகளின் தந்தையான 44 வயதுடைய ரஞ்சித் என்பவர் நேற்று (07) இரவு இவ்வாறு உயிரிழந்துள்ளார்.
குடும்பப் பொருளாதாரச் சிரமம் காரணமாக இவரது மனைவி புஷ்பா குமாரி கடந்த ஆண்டு நவம்பர் மாதம் 14ஆம் திகதி வீட்டு வேலைக்காக சவுதி அரேபியா சென்றிருந்தார்.
தவறான துன்புறுத்தல்
புஷ்பா குமாரி வேலைக்காக சென்றிருந்த வீட்டின் உரிமையாளர் தன்னை வேறு 4 வீடுகளில் வேலைக்கு அமர்த்தி தனது மூலம் பணம் சம்பாதிக்கும் பணியில் ஈடுபட்ட தாகவும், வீட்டு உரிமையாளரின் மகன் தன்னை தொடர்ந்து தவறான முறையில் துன்புறுத்தியதாகவும் அவர் கூறினார்.
மகனின் செயற்பாடுகளை வீட்டின் உரிமையாளரிடம் கூறியதையடுத்து 15 நாட்களுக்கும் மேலாக உணவின்றி அறையில் அடைக்கப்பட்டதாகவும், கழிவறையில் தண்ணீர் குடித்து தான் வாழ்ந்து வந்ததாகவும் அவர் குறிப்பிட்டுள்ளார்.
சவுதியில் உள்ள தனது சகோதரியிடம் குறித்த சம்பவம் தொடர்பில் குறிப்பிட்டதையடுத்து வெளிநாட்டு வேலைவாய்ப்பு பணியகம் (Sri Lanka Foreign Employment Bureau) சவுதி தூதரகம் மற்றும் சவூதி காவல்துறைக்கு சகோதரி தகவல் தெரிவித்தார்.
காவல்துறை விசாரணை
சவுதி காவல்துறையின் தலையீட்டால் புஷ்ப குமாரி சிறை வைக்கப்பட்டிருந்த இடத்தில் இருந்து மீட்கப்பட்டிருந்தார். 02 மாத சம்பளத்தை பெற்றுக்கொண்டு தனது சகோதரியின் தலையீட்டில் சிறிலங்கா திரும்பியதாக அவர் தெரிவித்துள்ளார்.
சம்பவம் தொடர்பில் தம்புள்ளை காவல்துறைக்கும், வெளிநாட்டு வேலைவாய்ப்பு பணியகத்தின் தம்புள்ளை அலுவலகத்துக்கும் தெரியப்படுத்தியதையடுத்து, அவர் தம்புள்ளை வைத்தியசாலையில் சிகிச்சை பெற்று வந்துள்ளார்.
சிகிச்சை பெற்று வீடு சென்றதன் பின்னர் நடந்த அனைத்தையும் தனது கணவரிடம் தெரிவித்ததாகவும் தனக்கு நியாயம் கிடைக்க வேண்டும் என்று கணவர் கடுமையாக முயன்றதாகவும் ஆனால் உரிய பதில் கிடைக்காததால் அவர் தவறானமுடிவு எடுத்துக் கொண்டார் எனவும் தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
