இஸ்ரேல் தலைக்கு விழுந்த பேரிடி : ஈரானுக்கு ஆதரவாக மீண்டும் களமிறங்கும் முக்கிய அமைப்பு
Raghav
in மத்திய கிழக்கு
இஸ்ரேல் (Israel) - ஈரான் (Iran) இடையே போர் தீவிரமடைந்துள்ள நிலையில், ஈரானுக்கு அனைத்து வகையான ஆதரவையும் வழங்க உள்ளதாக லெபனான் நாட்டில் செயல்பட்டு வரும் ஹிஸ்புல்லா அமைப்பு (Hezbollah) அறிவித்துள்ளது.
இஸ்ரேல் - ஈரான் இடையே கடுமையாக மோதல் நடந்து வருகிறது. ஈரான் அணுஆயுதம் தயாரிக்க இஸ்ரேல், அமெரிக்கா எதிர்ப்பு தெரிவித்து வருகிறது.
கடந்த வரம் 12ம் திகதி ஈரான் மீது இஸ்ரேல் தாக்கியது. பதிலுக்கு ஈரானும் ஏவுகணைகளை வைத்து தாக்கியது. இதனால் இருநாடும் இடையே யுத்தம் நடந்து வருகிறது.
அமெரிக்காவின் செயல்பாடு
இதில் இன்னும் அமெரிக்கா நுழையவில்லை. ஆனால் அமெரிக்காவின் செயல்பாடு “தொட்டிலையும் ஆட்டி விட்டு, பின்பு குழந்தையையும் கிள்ளி விடும்” வேலையை தான் அமெரிக்கா செய்து வருகிறது.
இந்நிலையில் தான் ஈரானுக்கு அனைத்து வகையான ஆதரவுகளையும் வழங்குவோம் என்று லெபனானில் செயல்பட்டு வரும் ஹிஸ்புல்லா அமைப்பு தெரிவித்துள்ளது.
காசா மீதான இஸ்ரேலின் போர் நடவடிக்கைக்கு ஏற்கனவே ஹிஸ்புல்லா எதிர்ப்பு தெரிவித்ததுடன் இஸ்ரேல் மீது தாக்குதலும் நடத்தினர்.
ஹிஸ்புல்லா அமைப்பு
அதன்பிறகு இஸ்ரேல் நடத்திய தாக்குதலில் ஹிஸ்புல்லா தலைவர் நஸ்ரல்லா உள்பட பலர் கொல்லப்பட்டனர். இதையடுத்து இஸ்ரேலை சீண்டாமல் ஹிஸ்புல்லா அமைதி காத்தது.
தற்போது ஈரானுக்கு அனைத்து ஆதரவுகளையும் வழங்குவதாக ஹிஸ்புல்லா தெரிவித்துள்ளது. இதுதொடர்பாக ஹிஸ்புல்லாவின் தலைவர் செய்க் நயிம் காசீம் கூறியதாவது,“ஈரான் யாருக்கும் சிறிதும் கூட ஆபத்தை ஏற்படுத்தவில்லை. ஈரானின் அணுஆயுத தயாரிப்பு யாருக்கும் எதிரானது இல்லை.
வெளிநாட்டு உதவி, பயிற்சி இன்றி சொந்த திறமையை நம்பி ஈரான் தனது பிராந்தியத்தின் முன்னேற்றத்துக்காக ஆய்வுகளை மேற்கொண்டு வருகிறது.
ஈரானின் அணு ஆயுத தயாரிப்பு
உலக நாடுகள் ஈரானின் அணு ஆயுத தயாரிப்பு எதிரானதாக இல்லை. ஈரானின் நம்பிக்கை, அறிவு மற்றும் சுதந்திரம் உள்ளிட்டவற்றுக்கு எதிரானதாக உள்ளது.
அமெரிக்கா இந்த பிராந்தியத்தை பதற்றதில் வைக்க நினைக்கிறது. அதேபோல் உலகத்தை நெருக்கடியில் வைக்க விரும்புகிறார். ஆனால் அமெரிக்கா அந்த முயற்சியில் தொடர்ந்து தோற்று வருகிறது.
எங்களுக்கு ஈரானுடன் நிற்க முழு உரிமை உண்டு. நாங்கள் எங்கள் சுதந்திரம், எங்கள் நிலத்தின் விடுதலை உள்ளிட்டவற்றுடன் சுதந்திரமாக நிற்கிறோம். அனைத்து மக்களும் ஈரான் உயர்மட்ட தலைவர்அயதுல்லா அலி கமேனிக்கு ஆதரவாக இருக்க வேண்டும். அவருக்கு கீழ் அணிதிரண்டு வலிமையுடன் நிற்க வேண்டும்'' என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
கொழும்பு, பருத்தித்துறை, Mengede, Germany, Dortmund, Germany, Wuppertal, Germany
17 Jun, 2025
முல்லைத்தீவு, கொழும்பு, நல்லூர், மெல்போன், Australia
15 Jun, 2025
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வல்வெட்டித்துறை, London, United Kingdom, Aylesbury, United Kingdom
13 Jun, 2025
