ஹோமாகம காவல் நிலையத்தில் இளைஞன் உயிரிழப்பு:பிரேத பரிசோதனை இன்று
ஹோமாகம சிறையில் உயிரிழந்த இளைஞனின் பிரேதப் பரிசோதனை இன்று (27) களுபோவில மருத்துவமனையில் நடத்தப்படவுள்ளது.குறித்த சந்தேக நபர் ஹோமாகம காவல்துறையினரால் கைது செய்யப்பட்டு, பின்னர் சிறைச்சாலையில் உயிரிழந்தார்.
இதற்கிடையில், இந்தச் சம்பவம் தொடர்பில் ஹோமாகம காவல் நிலையத்தைச் சேர்ந்த மூன்று காவல்துறை அதிகாரிகள் ஒக்டோபர் 26ஆம் திகதி முதல் அமுலுக்கு வரும் வகையில் பணி இடைநிறுத்தம் செய்யப்பட்டுள்ளனர்.
காவல்துறை மாஅதிபரின் அறிவுறுத்தலுக்கு அமைவாக, மேல் மாகாண தெற்கு குற்றப் பிரிவு மற்றும் காவல்துறையின் சிறப்பு விசாரணைப் பிரிவு ஆகியனவும் இச்சம்பவம் குறித்து தனித்தனியாக விசாரணைகளை ஆரம்பித்துள்ளதாக காவல்துறையினர் மேலும் தெரிவித்தனர்.
காவல்நிலையத்தில் உயிரிழப்பு
கிரிவத்துடுவ, முனமலவத்தையைச் சேர்ந்த 29 வயதுடைய உயிரிழந்த நபர், 'ஐஸ்' போதைப்பொருளை வைத்திருந்தார் என்ற குற்றச்சாட்டின் பேரில் ஒக்டோபர் 25 அன்று ஹோமாகம, பிட்டிபன சந்தியில் வைத்து கைது செய்யப்பட்டார்.
ஹோமாகம காவல்துறையினரின் கூற்றுப்படி, சந்தேகநபர் கைது செய்யப்பட்டு காவல் நிலையத்திற்கு அழைத்து வரப்பட்ட பின்னர் திடீரென சுயநினைவின்றி சுகவீனமடைந்தார். அதனைத் தொடர்ந்து அவர் சிகிச்சைக்காக ஹோமாகம ஆதார வைத்தியசாலையில் அனுமதிக்கப்பட்ட நிலையில் அங்கு உயிரிழந்தார்.
இந்த சம்பவத்தை அடுத்து, ஹோமாகம நீதவான் நீதிமன்றத்திற்கு அறிவிக்கப்பட்டதுடன், பதில் நீதிவான் ஹோமாகம ஆதார வைத்தியசாலைக்கு விஜயம் செய்து மரணம் குறித்த விசாரணையை நடத்தினார். இது தொடர்பான மேலதிக விசாரணைகள் தொடர்ந்து நடைபெற்று வருகின்றன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026