வடக்கு மக்களின் மனதை எப்படி வென்றது npp :ஆர்வமாக கேட்டறிந்த பிரிட்டன் பிரதி பிரதமர்

United Kingdom Northern Province of Sri Lanka NPP Government

By Sumithiran Feb 22, 2026 11:49 AM GMT

Sumithiran

in அரசியல்

Report

முன்னர் ஒருபோதும் இல்லாதவகையில் சிங்கள தேசிய கட்சிகளில் ஒன்றான தேசிய மக்கள் சக்தி வடக்கில் காலூன்றுவதற்கு வழிவகுத்த பின்னணிக் காரணங்கள் என்ன என்பது குறித்து பிரித்தானிய பிரதி பிரதமர் டேவிட் லாமி சிவில் சமூகப்பிரதிநிதிகளிடம் ஆர்வமாகக் கேட்டறிந்துள்ளதாக தகவல்கள் தெரிவிக்கின்றன.

உத்தியோகபூர்வ ஒருநாள் விஜயமொன்றை மேற்கொண்டு கடந்த வாரம் இலங்கைக்கு வருகை தந்த பிரித்தானிய பிரதி பிரதமர் டேவிட் லாமிக்கும் சிவில் சமூகப்பிரதிநிதிகளுக்கும் இடையில் கொழும்பில் சந்திப்பு நடைபெற்றது.

சிவில் சமுக பிரதிநிதிகளுடன் சந்திப்பு

இந்த சந்திப்பில் சிவில் சமூகத்தின் சார்பில் கலாநிதி அகிலன் கதிர்காமர், ஜனாதிபதி சட்டத்தரணி சாலிய பீரிஸ், சட்டத்தரணி ரணிதா ஞானராஜா, சட்டத்தரணி கௌதமன், பெண்கள் உரிமை செயற்பாட்டாளர் நபீலா இக்பால் ஆகியோர் கலந்துகொண்டிருந்தனர்.

வடக்கு மக்களின் மனதை எப்படி வென்றது npp :ஆர்வமாக கேட்டறிந்த பிரிட்டன் பிரதி பிரதமர் | How Did Npp Win The Hearts People Of The North

இச்சந்திப்பின்போது ‘டித்வா’ சூறாவளியினால் ஏற்பட்ட தாக்கங்கள் மற்றும் அவற்றிலிருந்து நாட்டை மீளக்கட்டியெழுப்புவதற்கு மேற்கொள்ளப்பட்டுவரும் முயற்சிகள், சிறுபான்மையின மக்களின் உரிமைகள், பயங்கரவாதத்தடைச்சட்டம் மற்றும் அதற்குப் பதிலீடாக முன்மொழியப்பட்டுள்ள புதிய வரைவு, நீதி மற்றும் பொறுப்புக்கூறல் இன்னமும் உறுதிப்படுத்தப்படாமை, மாகாணசபைத்தேர்தல்களை நடாத்துவதில் தொடரும் காலதாமதம், புதிய அரசியலமைப்பு உருவாக்க விவகாரத்தில் நிலவும் பின்னடைவு, முஸ்லிம் விவாக, விவகாரத்துச்சட்டம் உள்ளிட்ட பல்வேறு விடயங்கள் தொடர்பில் கலந்துரையாடப்பட்டது.

npp வடக்கில் காலூன்றுவதற்கு வழிகோலிய காரணிகள்

அதேவேளை முன்னெப்போதுமில்லாத வகையில் சிங்கள தேசிய கட்சிகளில் ஒன்றான தேசிய மக்கள் சக்தி கடந்த தேர்தல்களின்போது வடக்கில் காலூன்றுவதற்கு வழிகோலிய காரணிகள் குறித்து பிரித்தானிய பிரதி பிரதமருக்கு விளக்கமளிக்கப்பட்டது.