ஐ.நா மனித உரிமை பேரவையின் உயர்மட்டகுழு இலங்கைக்கு -கடுமையாக தயாராகும் தீர்மானம்
ஐ. நா மனித உரிமை பேரவையின் உயர் மட்ட குழு இலங்கை விஜயம்
இலங்கையின் மனித உரிமை நிலைவரம் குறித்து நேரில் கண்டறிந்து அறிக்கை சமர்ப்பிப்பதற்காக ஐக்கிய நாடுகள் மனித உரிமை பேரவையின் உயர் மட்ட குழுவொன்று அடுத்த மாதம் இலங்கைக்கு விஜயம் மேற்கொள்ளவுள்ளதாக தெரிவிக்கப்படுகிறது.
ஐக்கியநாடுகள் மனித உரிமை ஆணையாளர் அலுவலகத்தின் ஆசிய பசுபிக் பிரிவிற்கான தலைவர் ரொனி முங்கொவன் தலைமையிலான குழுவினரே இலங்கைக்கான பயத்தை மேற்கொள்ளவுள்ளனர்.
அவர்கள் தமது இலங்கை விஜயத்தின் போது அதிபர் ரணில் விக்கிரமசிங்கவை நேரில் சந்தித்து பேச்சுவார்த்தைகளை மேற்கொள்ளவுள்ளனர். நீதியமைச்சர் மற்றும் கர்தினால் மல்கம் ரஞ்சித்தையும் அவர்கள் சந்திக்கவுள்ளனர்.
ஐக்கியநாடுகள் மனித உரிமை ஆணைக்குழு இலங்கைக்கு விஜயம் மேற்கொள்ளவேண்டும் என கர்தினால் தொடர்ச்சியாக வேண்டுகோள் விடுத்துவருகிறார்.
இலங்கைக்கு விஜயம் மேற்கொள்ளும் குழுவினரின் அறிக்கை
இலங்கைக்கு விஜயம் மேற்கொள்ளும் குழுவினரின் அறிக்கையை ஐக்கிய நாடுகள் மனித உரிமை ஆணைக்குழுவின் 51வது அமர்வில் புதிய மனித உரிமை ஆணையாளர் அல்லது இடைக்கால ஆணையாளர் சமர்ப்பிப்பார். இந்த அறிக்கையை தயாரிப்பதில் முக்கிய நபராக ரொனிமுங்கொவன் காணப்படுவார் என தெரிவித்துள்ள இராஜதந்திர வட்டாரங்கள், அவர் முக்கிய விடயங்கள் குறித்து அதிபருடன் பேச்சுவார்த்தைகளை மேற்கொள்வார் என தெரிவித்துள்ளன.
ஜெனிவாவில் இலங்கை தொடர்பான பிரேரணைக்கு அனுசரணை, இணை அனுசரணை வழங்கிய நாடுகள் கொழும்பிலும் ஜெனிவாவிலும் சந்தித்து இலங்கை குறித்த புதிய தீர்மானம் தொடர்பாக ஆராய்ந்துள்ளன.
மனித உரிமை பேரவையின் அமர்வு செப்ரெம்பர் 12ம் திகதி ஆரம்பமாகி ஒக்டோபர் ஏழுவரை இடம்பெறும். இந்த வருட மே மாதம் வரை இலங்கை தொடர்பான முதன்மை குழு முன்னைய தீர்மானத்திற்கு மேலும் இரண்டுவருட கால அவகாசம் வழங்குவது குறித்து ஆராய்ந்து வந்தது.(2022 செப்டம்பர் முதல் 2024 வரை)
இலங்கை தொடர்பில் கடுமையான தீர்மானம்
எனினும் காலிமுகத்திடலில் – அலரிமாளிகைக்கு வெளியே ஆர்ப்பாட்டக்காரர்கள் மீதான தாக்குதல், அமைதியான ஆர்ப்பாட்டங்கள் ஈவிரக்கமற்ற முறையில் ஒடுக்கப்பட்டமை போன்றவை இலங்கை தொடர்பான குழுவினரின் மனமாற்றத்திற்கு காரணமாக அமைந்துள்ளன.
மனித உரிமை மீறல்கள் குறித்த குற்றச்சாட்டுகள் காரணமாக அவர்கள் இலங்கை தொடர்பான கடுமையான தீர்மானமொன்றை தயாரிக்கவேண்டிய நிலையில் உள்ளதாக தெரிவித்துள்ள இந்த நாடுகள், மனித உரிமை மீறல்களை கவலையளிக்கும்போக்கு என தெரிவித்துள்ளனர்.
எனினும் முன்னைய தீர்மானத்தின் பல விடயங்கள் புதிய தீர்மானத்தில் இடம்பெறும் என இராஜதந்திர வட்டாரங்கள் தெரிவித்துள்ளன.
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
சுழிபுரம், பிரித்தானியா, United Kingdom, மானிப்பாய், கொழும்பு, Uganda
02 Aug, 2016
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
