ஐரோப்பிய நாட்டில் வேலைவாய்ப்பு என்ற பெயரில் ஆட்கடத்தல்! விசாரணையில் சிக்கிய சந்தேகநபர்
Dharu
in பாதுகாப்பு
ஐரோப்பியாவின் மால்ட்டாவாவில் வேலைவாய்ப்பு வழங்குவதாகக் கூறி, இலங்கையர் ஒருவர் வெளிநாட்டில் நடத்தி வரும் பெரிய அளவிலான மனித கடத்தல் நடவடிக்கை குறித்து இலங்கை வெளிநாட்டு வேலைவாய்ப்பு பணியகத்திற்கு தகவல் கிடைத்துள்ளது.
"துபாய் சுத்தா" என்ற நபர் தனது தனிப்பட்ட சமூக ஊடக கணக்குகளில் காணொளிகளை வெளியிட்டு இந்த மோசடியை நடத்தி வருவதாக கூறப்படுகிறது.
அவருக்கு பணம் கொடுத்து இந்த மோசடியில் சிக்கியவர்களிடமிருந்து முறைப்பாடுகள் பெறப்படுவதாகவும் பணியகம் கூறியுள்ளது.
சட்ட நடவடிக்கை
அதன்படி, பணியகம் தற்போது அவருக்கு எதிராக தேவையான சட்ட நடவடிக்கையை எடுத்து வருவதாக கூறப்படுகிறது.
மேலும் இந்த மோசடிக்கு ஆளான மேலும் நபர்கள் விரைவில் முறைப்பாடுகளை அளிக்குமாறு பணியகம் கேட்டுக்கொள்கிறது.
1985 ஆம் ஆண்டு 21 ஆம் இலக்க இலங்கை வெளிநாட்டு வேலைவாய்ப்பு பணியக சட்டத்தின்படி, இலங்கைக்கு வெளியே வேலைவாய்ப்புக்காக ஆட்சேர்ப்பு, விளம்பரம், பணம் சேகரிப்பு, தகவல் சேகரிப்பு மற்றும் பாஸ்போர்ட் பெறுவதற்கு உரிமம் பெற வேண்டும் என்றும், உரிமம் இல்லாமல் இதுபோன்ற செயல்களை மேற்கொள்வது குற்றமாகும் என்றும் பணியகம் கூறுகிறது.
இதுபோன்ற மனித கடத்தல்காரர்களை ஒடுக்குவதற்காக அமைச்சர் விஜித ஹேரத்தின் அறிவுறுத்தலின் பேரில் பணியகத்தில் ஒரு சிறப்பு காவல் பிரிவும் நிறுவப்பட்டுள்ளது, மேலும் இந்தப் பிரிவுக்கு இதுபோன்ற ஏராளமான புகார்கள் கிடைத்துள்ளன.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
