அருவக்காடு தொல்பொருள் காணியில் பாரியளவான இல்மனைட் அகழ்வு மோசடி

புத்தளம் (PUttalam) - வனாத்தவில்லு அருவக்காடு பகுதியில் உள்ள வில்பத்து தேசிய பூங்காவை ஒட்டியுள்ள பகுதியில் இயங்கிய ஒரு பெரிய அளவிலான இல்மனைட் அகழ்வு திட்டத்தை வலானா மத்திய ஊழல் தடுப்பு பணிக்குழு கண்டறிந்துள்ளது.

மிகவும் உணர்திறன் வாய்ந்த சுற்றுச்சூழல் வலயுத்தில் உரிமம் இல்லாமல் இயங்கிய அகழ்வு திட்டமே இவ்வாறு கண்டறியப்பட்டுள்ளதாக தெரிவிக்கப்படுகின்றது.

இதில் இரண்டு பில்லியன் ரூபாவுக்கு மேல் மதிப்புள்ள இயந்திரங்கள் மற்றும் உபகரணங்களையும் பறிமுதல் செய்யப்பட்டுள்ளதாக குறிப்பிடப்படுகின்றது.

முத்துஐயன் கட்டுக்கு விரைந்த தமிழரசுக்கட்சி! கண்டனங்களை வெளிப்படுத்தி இறுதி அஞ்சலி

 ஈஸ்டர் தாக்குதல்கள்

தொல்பொருள் மதிப்புள்ளதாக அடையாளம் காணப்பட்ட அரசுக்குச் சொந்தமான நிலத்தில் இந்த சட்டவிரோத நடவடிக்கை மேற்கொள்ளப்பட்டுள்ளது கண்டறியப்பட்டுள்ளது.

மேலும் புவியியல் மற்றும் சுரங்கப் பணியகத்தின் தேவையான சட்டப்பூர்வ ஒப்புதல் இல்லாமல் இல்மனைட் உள்ளிட்ட மதிப்புமிக்க கனிம வளங்கள் இங்கு பதப்படுத்தப்பட்டு சேமித்து வைக்கப்பட்டுள்ளமை விசாரணைகளில் தெரியவந்துள்ளது.

குறித்த நிலத்தை சீமெந்து உற்பத்திக்காக சுண்ணாம்புக்கல்லைப் பெறுவதற்காக ஒரு வெளிநாட்டு நிறுவனத்திற்கு முன்னர் குத்தகைக்கு விடப்பட்டது.

பின்னர், 2013 ஆம் ஆண்டில், 'இலுகா லங்கா ரிசோர்சஸ்' என்ற அவுஸ்திரேலிய - இலங்கை கூட்டு நிறுவனம் இந்த பகுதியில் இல்மனைட் ஆய்வு நடவடிக்கைகளைத் தொடங்கியது.

இதன்படி 2019 ஈஸ்டர் தாக்குதல்கள் மற்றும் அதைத் தொடர்ந்து வந்த கொரோனா தொற்றுநோயைத் தொடர்ந்து அவுஸ்திரேலிய நிறுவனம் நாட்டை விட்டு வெளியேறிய பிறகு, 'புத்தளம் இல்மனைட்' என்ற உள்ளூர் நிறுவனம் புவியியல் மற்றும் சுரங்கப் பணியகத்தின் ஆய்வு அனுமதி குறித்து ஆராய்ச்சி நடத்தியது.

மன்னார் காற்றாலை திட்டத்தை நிறுத்துங்கள் : வவுனியாவில் மனிதச்சங்கிலி போராட்டம்!

மதிப்புமிக்க கனிமப் படிவுகள்

அந்த ஆராய்ச்சியின் மூலம் இந்தப் பகுதியில் இல்மனைட் உள்ளிட்ட மதிப்புமிக்க கனிமப் படிவுகள் இருப்பதை உறுதிசெய்ததோடு, சுரங்க அனுமதி கோரப்பட்டது, ஆனால் அந்தக் கோரிக்கை அங்கீகரிக்கப்படவில்லை.

இந்தப் பின்னணியில், ஒரு அரச நிறுவனத்துடன் சர்ச்சைக்குரிய ஒப்பந்தத்தில் ஈடுபட்ட மற்றொரு தனியார் நிறுவனம், புவியியல் மற்றும் சுரங்கப் பணியகத்திடமிருந்து எந்த உரிமத்தையும் அனுமதியையும் பெறாமல் இந்தப் பகுதியில் இல்மனைட் செயலாக்க நடவடிக்கைகளைத் தொடங்கியுள்ளதாக தெரியவந்துள்ளது.

இதற்காக, அவர்கள் இரண்டு பெரிய அளவிலான நீர்த்தேக்கங்களைக் கட்டி அவற்றை தண்ணீரில் நிரப்பியுள்ளனர். மேலும் மூன்று நீர்த்தேக்கங்களின் கட்டுமானப் பணிகள் ஏற்கனவே நடந்து வருவதாக சோதனை நடத்திய அதிகாரிகள் தெரிவித்தனர்.

இந்த செயல்முறை வில்பத்து சரணாலயத்தை ஒட்டியுள்ள இந்த உணர்திறன் வாய்ந்த சுற்றுச்சூழல் அமைப்பிற்கு கடுமையான சேதத்தை ஏற்படுத்துவதாகவும் தெரிவிக்கப்பட்டுள்ளது.

மன்னார் வைத்தியசாலையில் உயிரை மாய்த்துக்கொண்ட யாழ்.இளைஞன்

வில்பத்து வனப்பகுதி

இல்மனைட் உள்ளிட்ட கனிமங்களின் ஒரு அடுக்கு சோதனை செய்யப்பட்ட பகுதி முழுவதும் பரவியுள்ளது. மேலும் அதன் அடியில் சுண்ணாம்பு மண் அடுக்கு உள்ளது.

வில்பத்து வனப்பகுதியில் சுற்றித் திரியும் யானைகள் உள்ளிட்ட காட்டு விலங்குகள் இந்த பகுதியில் தொடர்ந்து சுற்றித் திரிவதும் கவனிக்கப்பட்டுள்ளது. இந்த தளத்தின் தொல்பொருள் மதிப்பும் அதிகமாக உள்ளது.

ஸ்ரீ ஜெயவர்தனபுர பல்கலைக்கழகத்தின் பேராசிரியர் காமினி ரணசிங்க தலைமையில் 2018 ஆம் ஆண்டு நடத்தப்பட்ட ஒரு ஆய்வில், வரலாற்றுக்கு முந்தைய மனிதர்கள் பயன்படுத்திய கல் கருவிகள் மற்றும் கருவிகள் இங்கு கண்டுபிடிக்கப்பட்டன.

அந்த கண்டுபிடிப்புகளின் அடிப்படையில், தொல்பொருள் பணிப்பாளர் இந்த இடத்தை தொல்பொருள் பாரம்பரிய தளமாக ஆவணப்படுத்தி அறிவித்துள்ளார். ஆனால் இவ்வளவு பெரிய அளவிலான திட்டத்தை அனுமதிப்பதில் கடுமையான முறைகேடுகள் நடந்துள்ளதாக தெரியவந்துள்ளமை குறிப்பிடத்தக்கது.

புலமைப்பரிசில் பரீட்சை பெறுபேறு! விடைத்தாள் மதிப்பீடுகள் இன்று ஆரம்பம்