நான் போர்க் குற்றவாளி இல்லவே இல்லை...! சர்வதேச ஊடகத்திடம் சென்று இப்படி கதறும்சவேந்திர சில்வா

இறுதிப்போரில் மனித உரிமை மீறல்களில் ஈடுபட்டதாகத் தன் மீது சுமத்தப்பட்டுள்ள குற்றச்சாட்டுகளை முன்னாள் இராணுவ தளபதி ஜெனரல் சவேந்திர சில்வா மறுத்துள்ளார்.

குறித்த விடயத்தை சவேந்திர சில்வா இந்திய ஊடகமொன்றுக்கு வழங்கிய நேர்காணலில் தெரிவித்துள்ளார்.

தன் மீதான குறிப்பிட்ட குற்றச்சாட்டுகளுக்குப் பதிலளிக்கத் தயாராக இருப்பதாகவும், சர்வதேச அளவில் தன் மீது விதிக்கப்பட்ட தடைகளுக்கான அடிப்படை குறித்து கேள்வி எழுப்பியதாகவும் அவர் தெரிவித்துள்ளார்.

விடுதலைப் புலிகளின் குறிசூட்டுப் படை! தலையைக்கூட உயர்த்த முடியாமல் 8 மாதங்கள் போராடிய இலங்கை இராணுவம்

பொதுமக்கள் உயிரிழப்பு

இலங்கைப் பாதுகாப்பு படையினர் புலிகளுக்கு எதிராகத் தொழில்முறை ரீதியிலேயே போரிட்டனர் என்றும், இறுதி இராணுவ நடவடிக்கையின் போது பொதுமக்கள் உயிரிழப்புகளைக் குறைக்கப் பல நடவடிக்கைகள் எடுக்கப்பட்டதாகவும் அவர் சுட்டிக்காட்டினார்.

2020 ஆம் ஆண்டு அமெரிக்காவும், 2025 ஆம் ஆண்டில் பிரித்தானியாவும் தன் மீது விதித்துள்ள தடைகளுக்கான காரணங்களை தொடர்ந்து கேட்டு வருவதாகக் குறிப்பிட்ட அவர், தான் ஒரு போர்க் குற்றவாளி அல்ல என்றும் சவேந்திர சில்வா தெரிவித்துள்ளார்.

சவேந்திர சில்வா தன் மீதான குற்றச்சாட்டுகளை மறுப்பது உண்மைதான், ஆனால் சர்வதேச ரீதியாக அவர் மீது கடுமையான மனித உரிமை மீறல் குற்றச்சாட்டுகள் சுமத்தப்பட்டுள்ளன.

அவர் கூறுவது போல அவர் மீது எந்தக் குற்றச்சாட்டும் இல்லை என்பது எந்த வகையில் உண்மையாகும்.

ஓய்வுபெற்ற இராணுவ சிப்பாய் கொலை: மனைவியைக் கைது செய்த CID

சவேந்திர சில்வா வழிநடத்திய இராணுவப் பிரிவு 

ஐக்கிய நாடுகள் சபை (UN) மற்றும் சர்வதேச மனித உரிமை அமைப்புகள் சவேந்திர சில்வா மற்றும் அவர் வழிநடத்திய இராணுவப் பிரிவு (58ஆம் பிரிவு) மீது பல குற்றச்சாட்டுகளை வெளிப்படையாக பதிவு செய்துள்ளன.

அவை இன்றும் இலங்கையில் இடம்பெற்ற படுகொலைகள் காணாமலாக்கப்படுதல் உள்ளிட்ட விடயங்களை மையப்படுத்திய ஆதாரமாகின்றது.

நம்பகமான ஆதாரங்கள் 2009ஆம் ஆண்டு உள்நாட்டுப் போரின் இறுதிப் பகுதியில், சரணடைய வந்தவர்களை சட்டவிரோதமாகக் கொன்றது (Extrajudicial killings), சித்திரவதை செய்தது மற்றும் பொதுமக்களை இலக்கு வைத்துத் தாக்கியது போன்ற தீவிரமான மனித உரிமை மீறல்களில் சவேந்திர சில்வாவின் படைப்பிரிவுக்குப் பொறுப்பு இருப்பதாக ஐ.நா விசாரணை அறிக்கைகள் சுட்டிக்காட்டியுள்ளன.

இந்த குற்றச்சாட்டுகளுக்கு நம்பகமான ஆதாரங்கள் இருப்பதாகக் கூறி, அமெரிக்கா 2020இல் சவேந்திர சில்வா மற்றும் அவரது குடும்பத்தினர் நாட்டிற்குள் நுழைவதற்குத் தடை விதித்தது.

வல்லரசுகளின் தடை

பிரித்தானிய அரசும் (UK) 2025ஆம் ஆண்டில் அவர் மீது பயணத்தடை மற்றும் சொத்து முடக்கம் போன்ற தடைகளை விதித்தது. அவர் சரணடைய முயன்ற தலைவர்களைக் கொல்ல உத்தரவிட்டார் மற்றும் அவரது கட்டுப்பாட்டின் கீழ் இருந்த படையினர் சட்டவிரோதக் கொலைகளைச் செய்தனர் என பிரித்தானியாவின் தடைக்கான காரணத்தில் குறிப்பிடப்பட்டுள்ளது.

2020 இல் அமெரிக்காவும், 2025 இல் பிரித்தானியாவும் தன் மீது விதித்துள்ள தடைகளுக்கான அடிப்படைக் காரணங்களைத் தான் தொடர்ந்து கேட்டு வருவதாக சவேந்திர சில்வா குறிப்பிட்டுள்ளார்.

ஒரு நாட்டின் இராணுவ தளபதி மீது உலகின் வல்லரசு நாடுகள் பயணத்தடை மற்றும் சொத்து முடக்கங்களை விதிப்பது என்பது சாதாரணமான ஒன்றல்ல.

சர்வதேச சட்டங்களின்படி, நம்பகமான மற்றும் தீவிரமான மனித உரிமை மீறல் ஆதாரங்களின் அடிப்படையிலேயே இத்தகைய 'மகிந்த்ச்கி பாணி' (Magnitsky-style) தடைகள் விதிக்கப்படுகின்றன.

சவேந்திர சில்வா தனக்குக் காரணம் தெரியவில்லை என்று கூறுவது, இந்தத் தடைகளுக்குப் பின்னால் உள்ள சர்வதேச அழுத்தங்களையும், உலக நாடுகள் இலங்கையின் உள்நாட்டுப் பொறுப்புக்கூறல் (Accountability) செயல்முறையின் மீது வைத்துள்ள அதிருப்தியையும் மறைக்க முயலும் ஒரு அரசியல் உத்தியாகவே தெரிகிறது.

இலங்கையின் உள்நாட்டு அரசியல் சூழலில், சவேந்திர சில்வா போன்ற இராணுவத் தலைவர்கள் நாட்டைப் பயங்கரவாதத்திலிருந்து மீட்ட 'யுத்த நாயகர்களாகவே' (War Heroes) பெரும்பான்மை மக்களால் பார்க்கப்படுகிறார்கள்.

ஆனால், சர்வதேச சமூகத்தைப் பொறுத்தவரை, பயங்கரவாத ஒழிப்பு என்ற பெயரில் மனித உரிமைகளை மீறுவது ஏற்றுக்கொள்ள முடியாத ஒன்றாகும்.

இந்த நேர்காணலின் மூலம், உள்நாட்டில் தமக்கிருக்கும் அரசியல் செல்வாக்கைப் பயன்படுத்தி சர்வதேசக் குற்றச்சாட்டுகளிலிருந்து தப்பிக்க முடியும் என்ற ஒரு பிம்பத்தை சவேந்திர சில்வா கட்டமைக்க முயல்கிறாரா என்ற கேள்வி எழுவதாக தோன்றுகிறது.

ஆனால், அவர் சர்வதேச நீதிமன்றங்களை எதிர்கொள்ளத் தயார் என்று கூறினாலும், இலங்கை அரசாங்கம் இதுவரையில் எந்தவொரு சர்வதேச அல்லது கலப்பு நீதிமன்ற விசாரணைகளுக்கும் இடமளிக்கவில்லை என்பது இங்கு உற்றுநோக்கத்தக்கது.

சுருக்கமாகக் கூறின், தன் மீது சுமத்தப்பட்ட குற்றச்சாட்டுகளுக்குப் போதிய ஆதாரங்கள் இல்லை என சவேந்திர சில்வா தொடர்ந்து மறுத்து வந்தாலும், சர்வதேச நாடுகள் மற்றும் ஐநா சபை அவர் மீது மிக முக்கியமான போர்க்குற்றச்சாட்டுகளை முன்வைத்தே தடைகளை விதித்துள்ளன என்பதே நிதர்சனம்.

சிறைப்பேருந்தில் நாடாளுமன்றுக்கு அழைத்துவரப்பட்ட நாமல்