அதிகரிக்கப்பட்ட மதுவரி அனுமதிப் பத்திரக் கட்டணம்
நாட்டில் வருடாந்த மதுவரி அனுமதிப் பத்திரக் கட்டணம் அதிகரிக்கப்பட்டுள்ளதாக சிறிலங்கா நிதியமைச்சு அறிவித்துள்ளது.
ஜனவரி மாதம் 12ஆம் திகதி முதல் நடைமுறைக்கு வரும் வகையில் வருடாந்த மதுவரி அனுமதிப் பத்திரக் கட்டணம் உயர்த்தப்பட்டுள்ளது.
அதன்படி, பனை சாராயம் தவிர்ந்த மதுபான உற்பத்தி நிலையங்களுக்கான அனுமதிப் பத்திரக் கட்டணம் 25 மில்லியன் ரூபாவாக நிர்ணயிக்கப்பட்டுள்ளது.
வினாகிரித் தொழிற்சாலைக்கான கட்டணம்
பனை சாராய மதுபான உற்பத்தி நிலையங்களுக்கான அனுமதிப் பத்திரக் கட்டணம் 5 மில்லியன் ரூபாவாக அதிகரிக்கப்பட்டுள்ளதாக நிதியமைச்சு தெரிவித்துள்ளது.
போத்தலில் அடைக்கப்பட்ட கள்ளு விற்பனை நிலையங்களுக்கான அனுமதிப் பத்திர கட்டணம் 10 மில்லியன் ரூபாவாக அதிகரிக்கப்பட்டுள்ளது.
அத்துடன், வினாகிரித் தொழிற்சாலைக்கான அனுமதிப் பத்திரக் கட்டணம் 2.5 மில்லியன் ரூபாய் வரை உயர்த்தப்பட்டுள்ளது.
இதேவேளை மதுவரி கட்டளைச் சட்டத்திற்கு அமைவாக மேலும் பல விதிமுறைகள் வெளியிடப்பட்டுள்ளன.
மதுவரி உரிமை மாற்றம்
அதற்கமைய, புதிய அனுமதிப் பத்திரம் கோரல், அனுமதிப் பத்திரம் செல்லுபடியாகும் காலத்தை நீடித்தல் மற்றும் அனுமதிப் பத்திரத்தை உரிமை மாற்றல் போன்ற சந்தர்ப்பங்களின் போது, விண்ணப்பம் கோரல் கட்டணமாக 25 ஆயிரம் ரூபாவை செலுத்த வேண்டும்.
இந்தநிலையில், அனுமதிப் பத்திர உரிமையை மாற்றுவதற்காக 2 இலட்சத்து 50 ஆயிரம் ரூபாய் என்ற தொகை நிர்ணயிக்கப்பட்டுள்ளது.
இந்த நிலையில், சட்டபூர்வமாக வாரிசு அல்லாத ஒருவருக்கு மதுவரி உரிமை மாற்றப்படுமானால் 15 மில்லியன் ரூபாவை கட்டணமாக செலுத்த வேண்டும் என நிதியமைச்சு அறிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு, யாழ்ப்பாணம், கொழும்பு, சென்னை, India, Muscat, Oman
03 Aug, 2026
சுழிபுரம், பிரித்தானியா, United Kingdom, மானிப்பாய், கொழும்பு, Uganda
02 Aug, 2016
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
