இந்தியா - பாகிஸ்தான் போட்டியால் பல மடங்காக உயர்ந்த விமானக் கட்டணங்கள்

உலகக்கிண்ண டி20 போட்டிகளில் முக்கிய போட்டியாக கருதப்படும்  இந்தியா - பாகிஸ்தான் போட்டி கொழும்பில் நாளை நடைபெறவுள்ளது.

கொழும்பு ஆர். பிரமதாச மைதான கொள்ளளவை விட டிக்கட்டுக்களுக்கான கோரிக்கை 2 மடங்கு அதிகமாக காணப்பட்டதாக ஐ.சி.சி தெரிவித்துள்ளது.

குறித்த போட்டிக்கான எதிர்பார்ப்பு முன்னெப்போதும் இல்லாத அளவை எட்டியுள்ளது.

ரி20 உலககிண்ண போட்டியில் இந்திய அணி படைத்த புதிய சாதனை

88,000 டிக்கெட் கோரிக்கை

ஆர். பிரமதாச மைதானம் அதிகபட்சமாக 35,000 பார்வையாளர்களை தங்க வைக்கக்கூடியது. இந்த மைதானம் ஏற்கனவே அதன் முழு கொள்ளளவை இரண்டு நாட்களுக்கு முன்னரே எட்டியுள்ளது.

ஒவ்வொரு டிக்கெட்டும் ஐ.சி.சி வலைத்தளம் மூலம் தற்போது விற்றுத் தீர்ந்துவிட்டது.

ஒரு அசாதாரண திருப்பமாக, போட்டிக்கான 88,000 க்கும் மேற்பட்ட டிக்கெட் கோரிக்கைகள் பெறப்பட்டதாக ஐ.சி.சி வட்டாரங்கள் தெரிவித்துள்ளன.

இது மைதானத்தின் வரம்பை விட அதிகமாக இருந்துள்ளது.

இது கிரிக்கெட்டின் மிகவும் பிரபலமான போட்டிக்கான உருவாகும் உலகளாவிய தேவையை குறிக்கிறது.

கின்னஸ் உலகசாதனை படைத்த இங்கிலாந்து விக்கெட் காப்பாளர் : வைரலாகும் காணொளி

சுற்றுலா துறை

இந்த பரபரப்பு சுற்றுலா துறையிலும் தாக்கத்தை செலுத்தியுள்ளது.

போட்டிக்கு முன்னதாக இந்தியாவிலிருந்து இலங்கைக்கு விமானக் கட்டணங்கள் உயர்ந்துள்ளன.

ஏர் இந்தியாவின் தகவலின்படி , பெப்ரவரி 13 முதல் 16 வரை புதுடெல்லியில் இருந்து கட்டுநாயக்காவிற்கு விமானங்கள் தற்போது 76,000 முதல் 100,000 வரை(இந்திய மதிப்பு) உயர்வடைந்துள்ளதாக தெரிவிக்கப்படுகிறது.

இது வழக்கமான விலையான 15,000ரூபா இந்திய மதிப்புடன் ஒப்பிடும்போது அதிர்ச்சியூட்டும் அதிகரிப்பு.

மேலும், இண்டிகோ மற்றும் சிறிலங்கன் ஏர்லைன்ஸ் உள்ளிட்ட அதே பாதையில் இயங்கும் பிற விமான நிறுவனங்களும் கணிசமாக உயர்ந்த கட்டணங்களை அதிகரித்துள்ளதாக தெரிவிக்கப்படுகிறது.

டிக்கெட்டுகளின் விலை  60,000 முதல் I111,644 வரை(இந்திய மதிப்பு) உயர்ந்துள்ளது.

மேலும் கொழும்பின் நட்சத்திர ஹோட்டல் துறையும் ஒப்பிடமுடியாத தேவையின் அலையை இதனால் எதிர்கொண்டுள்ளது.

ஹோட்டல்களில் அறைக் கட்டணங்கள்

நகரத்திற்கு அருகிலுள்ள முன்னணி நட்சத்திர ஹோட்டல்களில் அறைக் கட்டணங்கள் இரட்டிப்பாகியுள்ளதாக கூறப்படுகிறது.

பல நட்சத்திர ஹோட்டல்களின் அரைகள் ஒரு இரவுக்கு  100,000 க்கும் அதிகமாக உள்ளதாக தெரிவிக்கப்படுகிறது.

ஒரு சில ஹோட்டல்களில் 340,000 க்கும் அதிகமாக காணப்படுவதாக சில சமூக ஊடக பதிவுகள் விளக்கியுள்ளன.

இது ஒரு வரலாற்று, அதிக ஆற்றல்மிக்க கிரிக்கெட் கள மோதலுக்கு கொழும்பு நகரம் தயாராகி வரும் நிலையில், இந்தியா-பாகிஸ்தான் போட்டி ஏற்கனவே அதன் அடையாளத்தை வெளிப்படுத்தியுள்ளது.

விமான விலைகள், ஹோட்டல் கட்டணங்களை மறுவடிவமைத்துள்ளதோடு, இலங்கையில் விளையாட்டு தேவைக்கான முந்தைய அனைத்து சாதனைகளையும் முறியடித்துள்ளதாக கூறப்படுகிறது.

T20 போட்டி..! அதிரடி சாதனை படைத்த இலங்கை அணித் தலைவர்