அமெரிக்க டொலருக்கு எதிராக பலவீனமடைந்த இலங்கை - இந்திய ரூபாய் உள்ளிட்ட ஆசிய நாணயங்கள்

மத்திய கிழக்கில் நிலவும் மோதல் குறித்த நிச்சயமற்ற தன்மைகள், நிதிச் சந்தைகளில் இடர் தவிர்ப்பு மனநிலையைத் தூண்டியதால், இன்றைய நாளில் அமெரிக்க டொலருக்கு எதிரான ஆசிய நாணயங்கள் வீழ்ச்சியை சந்தித்துள்ளது.

குறிப்பாக இந்திய ரூபாய் வரலாறு காணாத சரிவை சந்தித்த நிலையில், இலங்கை ரூபாயும் வீழ்ச்சியடைந்துள்ளது.

மேலும், தென் கொரிய வோன், ஜப்பானின் யென், சிங்கப்பூர் டொலர் ஆகியவற்றின் மதிப்பு இந்த நிலையை எட்டியுள்ளது.

அமெரிக்காவின் முக்கிய ஆயுதக் கிடங்குகளை இலக்கு வைத்து ஈரான் அதிரடி தாக்குதல்!

இலங்கை - இந்திய ரூபாய்

குறிப்பாக இலங்கை ரூபாவானது போர் தொடங்கிய போது ஒப்பீட்டளவில் நிலையாக இருந்ததோடு, மோதலின் பின்னர் வீழ்ச்சியடைந்துள்ளது.

இலங்கை மத்திய வங்கி அறிக்கையின்படி, மோதல் தொடங்கிய பிறகு depreciation pressures அதிகரித்துள்ளன. இது பிராந்திய நாணயங்களின் பொதுவான போக்கை பிரதிபலிக்கிறது.

மேலும், இந்திய ரூபாயின் நிலை (INR)மார்ச் 2026 இல் இந்திய ரூபாய் வரலாறு காணாத சரிவை சந்தித்துள்ளதாக தெரிவிக்கப்படுகிறது.

ஒரு டொலருக்கு 93 முதல் 94.8 ரூபாய் வரை (சில நாட்களில் 94.9 வரை) சென்றதாக கூறப்படுகிறது. போர் தொடங்கிய பிறகு சுமார் 3% முதல் 4% வரை வீழ்ச்சி அடைந்துள்ளது.

அமெரிக்க - இஸ்ரேலின் தாக்குதலில் கொல்லப்பட்ட ஐ.ஆர்.ஜி.சியின் முக்கிய தளபதி

 நிச்சயமற்ற தன்மை

குறிப்பாக அமெரிக்காவின் வலியுறுத்தலையும் மீறி ஈரான் அரசாங்கம் அமைதிப் பேச்சுவார்த்தைகளை நிராகரித்து வருவதால், பதற்றம் தணிவதற்கான அறிகுறிகள் தென்படவில்லை என்று பேங்க் முவாமலாத் மலேசியா பெர்ஹாட்டின் தலைமைப் பொருளாதார நிபுணர் முகமது அஃப்ஸானிஸாம் அப்துல் ரஷீத் கூறியுள்ளார்.

''தன் மண்ணில் அமெரிக்க - இஸ்ரேல் தாக்குதலால் ஏற்பட்ட சேதங்களுக்கான இழப்பீடு, மேலும் இராணுவத் தாக்குதல்கள் நடைபெறாது என்பதற்கான உத்தரவாதங்கள், மற்றும் ஹோர்முஸ் நீரிணை மீதான அதன் அதிகாரத்தை அங்கீகரித்தல் உள்ளிட்ட ஈரானிய அரசாங்கத்தின் கோரிக்கைகள், நிறைவேற்ற முடியாத பெரும் சவாலாகத் தோன்றுகின்றன.

ஆகையால், ஆசியா முழுவதும் உள்ள நாடுகள் எரிபொருள் பற்றாக்குறையால் தவிப்பதால், குறுகிய காலத்தில் அந்நிய செலாவணி சந்தையில் நிலவரம் எச்சரிக்கையாகவே இருக்கும் என எதிர்பார்க்கப்படுகிறது," என்று அவர் தெரிவித்துள்ளார்.

புவிசார் அரசியல் நிச்சயமற்ற தன்மைகள் முதலீட்டாளர்களை இடர் தவிர்ப்பு மனநிலையில் வைத்திருப்பதால், ஆசிய நாணயங்கள் அமெரிக்க டொலருக்கு எதிராகத் தொடர்ந்து சரிவைச் சந்திக்கும் என்று எதிர்பார்க்கப்படுவதாக எதிர்பார்க்கப்படுகிறது.

ஈரானின் புதிய உச்ச தலைவரின் மற்றுமொரு செய்தி வெளியானது