ஆயுதக் கடத்தலில் ஈடுபட்ட இலங்கைக் குற்றக் கும்பல் இந்தியாவில் கைது

சட்டவிரோத போதைப்பொருள் மற்றும் ஆயுதக் கடத்தலில் ஈடுபட்ட இலங்கைக் குற்றக் கும்பலொன்று இந்தியாவில் கைது செய்யப்பட்டுள்ளதாக அந்நாட்டு ஊடகங்கள் செய்தி வெளியிட்டுள்ளன.

1999 ஆம் ஆண்டு டிசம்பர் மாதம் 18 ஆம் திகதி கொழும்பு மாநகர சபை மைதானத்தில் முன்னாள் அதிபர் சந்திரிக்கா பண்டாரநாயக்கவை படுகொலை செய்ய சதித்திட்டம் தீட்டிய குற்றச்சாட்டில் சிறைத்தண்டனை விதிக்கப்பட்ட கிம்புலாலேவைச் சேர்ந்த 9 பேர் தமிழ்நாட்டு தமிழ் அகதிகள் முகாமில் கைது செய்யப்பட்டுள்ளதாக தகவல்கள் தெரிவிக்கின்றன.

இந்திய உளவுத்துறையினரால் நடத்தப்பட்ட சோதனையின் போதே  "கென்னடி பம்மா" என்ற ஸ்டான்லி கென்னடி பெர்னாண்டோ, பாலச்சந்திரன் புஷ்பராஜ் என்ற "பூக்குடு கண்ணா", "மணல் கடற்கன்னி" என்ற சுரங்க பிரதீப், சுனில் காமினி பொன்சேகா என்ற "கோட்டா காமினி" அழகப்பெரும, தனுக ரொஷான், மொஹமட்பான் அஸ்மீன்” ஆகியோர் கைதுசெய்யப்பட்டுள்ளனர்.

போதைப்பொருள் கடத்தல்

கொழும்பு 15 பிரதேசத்தில் வசித்து வந்த "கிம்புலாலே குணா" என்பவர் கொலை, ஆயுதங்களை வைத்திருந்தமை, போதைப்பொருள் கடத்தல் மற்றும் கொள்ளை ஆகிய குற்றச்சாட்டிற்கு உள்ளானவர் ஆவார்.

சந்திரிகா பண்டாரநாயக்க குமாரதுங்கவை இலக்கு வைத்து விடுதலைப் புலிகள் நடத்திய தற்கொலைக் குண்டுத் தாக்குதலுக்கும் குணா மீது குற்றம் சாட்டப்பட்டதுடன், குண்டுவெடிப்பு தொடர்பான விசாரணையின் போது அவர் இந்தியாவுக்குத் தப்பிச் சென்றிருந்தார்.

ஸ்டான்லி கென்னடி பெர்னாண்டோ என அழைக்கப்படும் "கென்னடி பம்மா" ஒரு ஒப்பந்த கொலையாளி என காவல்துறை அறிக்கைகளில் கூறப்பட்டுள்ளது.

குறித்த அறிக்கைகளின்படி, கென்னடி செய்த கொலைகளின் எண்ணிக்கை 6 க்கும் அதிகமாக உள்ளது. இது தவிர, போதைப்பொருள் கடத்தல் மற்றும் சொத்து திருட்டு போன்ற குற்றச்சாட்டுகளும் அவர் மீது உள்ளது.

"கிம்புலாலே குணா"விற்கு நெருக்கமான "கோட்டா காமினி" என்ற சுனில் காமினி பொன்சேகா சுமார் 15 கொலைகளை செய்துள்ளதாக தெரிவிக்கப்படுகிறது.

மேலும், வல்லி சுரங்கா மீது சட்டவிரோத மக்கள் தொகை மற்றும் கொலை குற்றச்சாட்டுகள் சுமத்தப்பட்டுள்ளன. பாதாள உலகக் கும்பல் தலைவன் "சமயங்" கொலையில் லடியா சந்திரசேன பிரதான சந்தேகநபர் ஆவார்.

கைது செய்யப்பட்ட இலங்கையர்கள் மீது கொலை, ஆயுதங்கள் மற்றும் போதைப்பொருள் கடத்தல் மற்றும் ஹவாலா முறையின் மூலம் வெளிநாட்டு நாணய பரிமாற்றம் ஆகிய குற்றச்சாட்டுகள் சுமத்தப்பட்டுள்ளன.

மேலும், பாகிஸ்தான், இந்தியா, இலங்கை இடையே மிகப்பெரிய போதைப்பொருள் கடத்தல் நடவடிக்கைகளை முன்னெடுத்து வரும் ஹாஜி சலீமுடன் சந்தேகநபர்கள் தொடர்பு வைத்திருப்பதை இந்திய உளவுத்துறை கண்டுபிடித்துள்ளது.

பாகிஸ்தானில் இருந்து இலங்கைக்கு போதைப்பொருள் கடத்துவதில் ஹாஜி சலீம் முக்கிய ஓட்டுநராக இருப்பதாக டெல்லியில் உள்ள பயங்கரவாத எதிர்ப்பு அலுவலகத்தின் தகவல்கள் தெரிவிக்கின்றன.

சர்வதேச ஊடகமொன்று இது தொடர்பான தகவல்களை வெளியிட்டுள்ளதுடன், கைது செய்யப்பட்ட இலங்கை சந்தேகநபர்கள் தமிழகம் மற்றும் இலங்கையில் உள்ள விடுதலைப் புலி அமைப்பினர் எனவும் குறிப்பிடப்பட்டுள்ளது.

நேற்று கைது செய்யப்பட்ட கிம்புலாலே குணா மற்றும் கென்னடி பும்மா ஆகியோரும் 2021 ஜனவரியில் சென்னை விமான நிலையத்தில் கைது செய்யப்பட்டு திருச்சிராப்பள்ளி சிறப்பு முகாமில் தடுத்து வைக்கப்பட்டுள்ளனர்.

அந்த முகாமில் நடத்தப்பட்ட தேடுதல் நடவடிக்கையின் போது அவர்களிடம் இருந்து ஏராளமான தகவல் தொடர்பு சாதனங்கள் கண்டுபிடிக்கப்பட்டதை அடுத்து நேற்று மீண்டும் கைது செய்யப்பட்டனர்.

கடந்த வருடம் குணா மற்றும் பம்மா என்ற சந்தேகநபர்கள் கைது செய்யப்பட்ட போது, நாடு கடத்தல் சட்டத்தின் பிரகாரம் அவர்கள் மீண்டும் இலங்கைக்கு அழைத்து வரப்படுவார்கள் என அப்போதைய பொது பாதுகாப்பு அமைச்சர் கலாநிதி சரத் வீரசேகர தெரிவித்தார்.

எவ்வாறாயினும், இதுவரை சந்தேக நபர்கள் தீவிற்கு அழைத்து வரப்படவில்லை. இந்த நிலையிலேயே இலங்கையைச் சேர்ந்த 9 சந்தேக நபர்களை கைது செய்துள்ளதாக இந்திய அதிகாரிகள் பொது பாதுகாப்பு அமைச்சுக்கு உத்தியோகபூர்வமாக அறிவித்துள்ளனர்.