இலங்கைக்கு வந்து குவியும் இந்திய சுற்றுலாப் பயணிகள்

Sri Lanka Tourism United Kingdom India Economy of Sri Lanka Germany

By Sathangani Nov 21, 2024 10:25 AM GMT

Sathangani

in சுற்றுலா

Report

இலங்கைக்கு 2024 நவம்பர் மாதத்தின் முதல் 17 நாட்களில் 103,315 சுற்றுலாப் பயணிகள் வருகை தந்துள்ளதாக தகவல் வெளியாகியுள்ளது.

இலங்கை சுற்றுலா அபிவிருத்தி அதிகார சபை (Sri Lanka Tourism Development Authority) வெளியிட்டுள்ள அறிக்கையில் இந்த விடயம் தெரிவிக்கப்பட்டுள்ளது.

அதன்படி, அதிகளவான சுற்றுலாப் பயணிகள் இந்தியாவிலிருந்து (India) வருகை தந்துள்ளதாகவும் அவர்களின் மொத்த எண்ணிக்கை 23,660 எனவும் குறிப்பிடப்பட்டுள்ளது.

சுற்றுலாப் பயணிகளின் வருகை

அத்துடன் ரஷ்யாவிலிருந்து (Russia) 16,602 சுற்றுலாப் பயணிகளும், ஜேர்மனியிலிருந்து (Germany) 7,776 சுற்றுலாப் பயணிகளும் நாட்டுக்கு வருகை தந்துள்ளனர்.

இலங்கைக்கு வந்து குவியும் இந்திய சுற்றுலாப் பயணிகள் | Indian Tourists Visiting To Sri Lanka Increase

மேலும், ஐக்கிய இராச்சியத்திலிருந்து (UK) 6,611 சுற்றுலாப் பயணிகளும், அவுஸ்திரேலியாவிலிருந்து (Australia) 4,052 சுற்றுலாப் பயணிகளும் நாட்டுக்கு வருகை தந்துள்ளதாக குறிப்பிடப்பட்டுள்ளது.

இந்நிலையில், இவ்வருடத்தின் இதுவரையான காலப்பகுதிக்குள் 1,724,030 சுற்றுலாப் பயணிகள் நாட்டுக்கு வருகை தந்துள்ளனர்.

2023 ஆம் ஆண்டில் 1,487,303 சுற்றுலாப் பயணிகள் நாட்டுக்கு வருகை தந்துள்ளதாக இலங்கை சுற்றுலா அபிவிருத்தி அதிகார சபை மேலும் தெரிவித்துள்ளமை குறிப்பிட்த்தக்கது.