கட்டுநாயக்காவில் வந்திறங்கிய இந்திய பிரஜை கைது
ஒரு கிலோகிராம் ஐஸ் போதைப்பொருளை நாட்டிற்கு கடத்த முற்பட்ட இந்திய(india) பிரஜை ஒருவர் பண்டாரநாயக்க சர்வதேச விமான நிலையத்தில் (BIA)வைத்து அதிகாரிகளால் இன்று(17) காலை கைது செய்யப்பட்டுள்ளார்.
சந்தேக நபர் மலேசியாவின் கோலாலம்பூரில் இருந்து சிறிலங்கன் எயார்லைன்ஸ்(sri lankan air lines) விமானமான UL-315 இல் காலை 5:00 மணியளவில் விமான நிலையத்தை வந்தடைந்தார்.
ஐஸ் போதைப்பொருள்
அவர் வசம் இருந்த ஐஸ் போதைப்பொருள் பெறுமதி ரூ. 25 மில்லியன் என தெரிவிக்கப்படுகிறது.
புடவையால் சுற்றப்பட்டிருந்த ஐஸ்
சந்தேக நபர் இந்தியாவில் உள்ள வர்த்தகர் என சுங்க விசாரணையில் தெரியவந்துள்ளது. அவரது பொதியில் புடவையால் சுற்றப்பட்டிருந்த ஐஸ் கையிருப்பு கண்டுபிடிக்கப்பட்டது.
மேலதிக விசாரணைகளுக்காக குறித்த நபரை விமான நிலைய காவல்துறை போதைப்பொருள் ஒழிப்பு பிரிவின் அதிகாரிகளிடம் இந்த ஐஸ் பொதியுடன் ஒப்படைப்பதற்கு நடவடிக்கை எடுக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
