முகநூல் விருந்து : காவல்துறை தொடங்கியுள்ள சிறப்பு திட்டம்
முகநூல் மூலம் ஏற்பாடு செய்யப்படும் விருந்துகள் மற்றும் அவை நடைபெறும் இடங்கள் தொடர்பான புலனாய்வுத் தகவல்களைப் பெறுவதற்காக, காவல்துறை மா அதிபர் ஒரு சிறப்புத் திட்டத்தைத் தொடங்கியுள்ளதாக காவல்துறை தெரிவித்துள்ளது.
இந்தத் திட்டத்தின் விளைவாக, சில நாட்களுக்கு முன்பு தெல்தெனிய காவல் பிரிவில் நடைபெற்ற முகநூல் விருந்தில் பங்கேற்ற 41 இளைஞர்கள் கைது செய்யப்பட்டதாக காவல்துறை ஊடகப் பேச்சாளர், உதவி காவல் கண்காணிப்பாளர் எஃப்.யு. வூட்லர் தெரிவித்தார்.
இளைஞர்கள் பலியாகும் அபாயம்
இதுபோன்ற இடங்கள் குறித்த புலனாய்வுத் தகவல்களைப் பெறும் திட்டம் எதிர்காலத்திலும் தொடரும் என்றுகாவல்துறை ஊடகப் பேச்சாளர் கூறினார்.
முகநூல் விருந்துகள் என்ற போர்வையில் போதைப்பொருள் கடத்தல்காரர்களிடம் இளைஞர்கள் பலியாகும் அபாயம் இருப்பதால், இதுபோன்ற விருந்துகள் குறித்து பொதுமக்கள் விழிப்புடன் இருக்குமாறு அவர் கேட்டுக்கொண்டார்.
பணத்தை மையமாகக் கொண்ட வணிகங்கள்
சில நேரங்களில் இதுபோன்ற விருந்துகள் போதைப்பொருள் கடத்தலில் ஈடுபடும் நபர்களால் ஏற்பாடு செய்யப்படுகின்றன என்றும், அவை இணையவழிக் குற்றங்கள் மற்றும் பணத்தை மையமாகக் கொண்ட வணிகங்கள் என்றும் காவல்துறை ஊடகப் பேச்சாளர் தெரிவித்தார்.
பிள்ளைகளின் பேச்சு, நடத்தை மற்றும் நடமாட்டங்களில் ஏற்படும் மாற்றங்களைக் கவனிக்குமாறும் அவர் பெற்றோர்களைக் கேட்டுக்கொண்டார்.
போதைப்பொருள் பாவனையால் பறிபோன உயிர்கள்
இதற்கிடையில், போதைப்பொருள் பரவல் காரணமாக 2025-ஆம் ஆண்டில் 175 பேர் தற்கொலை செய்துகொண்டுள்ளனர் என்றும், அவர்களில் 172 பேர் ஆண்கள் மற்றும் மூன்று பேர் பெண்கள் என்றும் காவல்துறை ஊடகப் பேச்சாளர் தெரிவித்தார்.
மேலும், 2026-ஆம் ஆண்டில் இதுவரை போதைப்பொருள் தொடர்பான வழக்குகளில் 11 பேர் உயிரிழந்துள்ளனர் என்றும் அவர் கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
