செங்கடலின் முக்கிய கடற்கரை நகரை கைப்பற்றிய ஹவுதிக்கள்

செங்கடல் பகுதியில் அமைந்துள்ள முக்கிய கடற்கரை நகரமான அல்-மோகாவை (Al-Mokha) ஹவுதி கிளர்ச்சியாளர்கள் முழுமையாகக் கைப்பற்றியுள்ளதாக வெளிநாட்டு ஊடகங்கள் செய்தி வெளியிட்டுள்ளன.

இந்தக் கைப்பற்றலைத் தொடர்ந்து, உலகின் மிக முக்கியமான கப்பல் மற்றும் வர்த்தகப் பாதையான 'பாப் அல்-மண்டேப்' (Bab al-Mandeb) நீரிணையை நோக்கி ஹவுதி படைகள் மேலும் முன்னேறி வருவதாக அந்த ஊடகங்கள் தெரிவித்துள்ளன.

ஏமனின் முழு செங்கடல் கடற்கரைப் பகுதியையும் தங்கள் கட்டுப்பாட்டிற்குக் கொண்டுவருவதே இந்த நடவடிக்கையின் முக்கிய நோக்கம் என்றும் வெளிநாட்டு ஊடகங்கள் மேலும் குறிப்பிட்டுள்ளன.

வீழ்ச்சியின் விளிம்பில் ஈரானிய ஆட்சி! நெதன்யாகுவின் அறிவிப்பால் அதிகரிக்கும் பதற்றம்

சவூதி ஆதரவுப் படை

இதன்மூலம், சவூதி ஆதரவுப் படைகளுடனான சண்டை தீவிரமடைந்து, யேமனின் நீண்டகாலப் போரில் ஒரு முக்கிய முனையை மீண்டும் திறக்கும் அச்சுறுத்தலை ஏற்படுத்தியுள்ளதாக தெரிவிக்கப்படுகிறது.

இந்நிலையில், மூலோபாய முக்கியத்துவம் வாய்ந்த பாப் அல்-மண்டேப் ஜலசந்தியின் கட்டுப்பாட்டை அவர்கள் நெருங்கியுள்ளனர் என்று யேமன் அரசாங்க வட்டாரங்கள் தெரிவித்துள்ளன.

இந்த முன்னேற்றம், உலகின் மிக முக்கியமான கப்பல் போக்குவரத்துப் பாதைகளில் ஒன்றின் மீது ஹவுதிகளுக்கு அதிக செல்வாக்கைக் கொடுக்கும்.

ஏமனை ஜிபூட்டி மற்றும் எரிட்ரியாவிலிருந்து பிரிக்கும் பாப் அல்-மண்டேப், செங்கடலை ஏடன் வளைகுடாவுடன் இணைக்கிறது.

மேலும் இது, சூயஸ் கால்வாய் வழியாக ஆசியாவிற்கும் ஐரோப்பாவிற்கும் இடையில் செல்லும் எண்ணெய், எரிபொருள் மற்றும் பிற பொருட்களுக்கான ஒரு முக்கியப் பாதையாகவும் திகழ்கிறது.

அமெரிக்கா, இஸ்ரேல் மற்றும் ஈரான் ஆகிய நாடுகளுக்கு இடையேயான ஆறு மாத கால மோதல், மற்றொரு முக்கியமான எரிசக்திப் பாதையான ஹோர்முஸ் நீரிணையை சீர்குலைப்பதால், இந்த சண்டை கூடுதல் முக்கியத்துவம் பெற்றுள்ளது.

உக்ரைனில் ரஷ்யா நடத்திய ட்ரோன் தாக்குதல்! இருவர் பலி - 20 பேர் படுகாயம்