10 நிமிடத்தில் 100 இலக்குகள்...! ட்ரம்பின் திட்டத்தை ஆட்டிய மொசாட்
1980-களின் பிற்பகுதியில் பாக்குநீரிணையின் அக்கரையில் இருந்து இக்கரை இலங்கையில் குதித்த இந்தியப் படைத்துறையின் காலத்தில் இடம்பெற்ற ஒரு புனைவுச் சம்பவத்தை மையப்படுத்திய இந்தியத் தயாரிப்பாளர்களின் திரைப்படம், சமூக வலைதளங்களில் அதிகமாக எதிரொலித்து வருகிறது.
இதே சமகாலத்தில் அன்றைய நாட்களின் உண்மை மனிதர்களின் வரலாற்றுப் பதிவுகள் நினைவழியா நாட்களாகவும் வருகின்றன.
அதில் ஒன்றாக இந்தியாவிடம் நீதி கேட்டு உண்ணாநிலையிலிருந்து உயிர்துறந்த அன்னை பூபதியின் திருவுருவ ஊர்தி, இன்று யாழிலிருந்து மட்டக்களப்பு நோக்கி புறப்பட்டது.
இலங்கையில் சூரியன் நேர் உச்சியில் தகிக்கும் நாட்களில் உண்மை மனிதர்களின் தியாகங்கள் தணிவுநிலையில் கடக்க வெளியரங்கில் சமகாலப் பேசுபொருளில் ஒன்றான ஈரான் - அமெரிக்கப் போர்நிறுத்தம் சரிவின் விளிம்பில் உள்ளதென்ற எச்சரிக்கைத் தாரைகளை திங்க்-டேங்க் (Think-tank) எனப்படும் சிந்தனைக் குழுக்கள் அடிக்கின்றன.
நேற்று லெபனான் மீது இஸ்ரேல் நடத்திய தாக்குதலால் இந்தப் போர்நிறுத்த ஒப்பந்தம் முறியப்போகின்றதே ஐயகோ ! என இந்தச் சிந்தனைக் குழுக்கள் அலறுவதில் உள்ளபடியே காரணங்கள் இருக்கக்கூடும்.
அமெரிக்கா - ஈரானியப் போர்நிறுத்தப் பேச்சுக்களில் தாங்கள் ஓரங்கட்டப்படுவதாகத் தெஹ்ரானின் புரோக்சிகள் (ப்ராக்ஸிகள்) நினைத்தால் அது ஈரானின் புதிய ஆட்சியாளர்களுக்கும் சிக்கலை ஏற்படுத்தக்கூடும் என்ற ஊகிப்புகளுடன் பரபரப்பான மத்திய கிழக்கு நிலவரங்களைத் தொட்டு வருகிறது செய்திவீச்சு...
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
