மீண்டும் இயல்பு நிலைக்கு வந்தது யூடியூப்
புதிய இணைப்பு
உலகளாவிய ரீதியில் தொழில்நுட்பக் கோளாறு காரணமாக முடங்கியிருந்த யூடியூப் (YouTube) தளத்தின் செயற்பாடுகள் தற்போது வழமைக்குத் திரும்பியுள்ளதாக சர்வதேச ஊடகங்கள் செய்தி வெளியிட்டுள்ளன.
கடந்த சில மணிநேரங்களாகக் காணொளிகளைப் பார்ப்பதிலும், கணக்குகளை அணுகுவதிலும் ஏற்பட்டிருந்த சிக்கல்கள் தற்போது சீர் செய்யப்பட்டுள்ளன.
உலகெங்கிலும் உள்ள பயனர்கள் எதிர்கொண்ட "சம்திங் வென்ட் ராங்" (Something went wrong) சிக்கல்கள் தற்போது நீக்கப்பட்டு, தளம் சீராக இயங்கத் தொடங்கியுள்ளதாக வெளிநாட்டு ஊடகங்கள் மேலும் தெரிவித்துள்ளன.
முதலாம் இணைப்பு
உலகின் பிரபலமான சமூக வலைதளங்களில் ஒன்றான யூடியூப் தளம் பல நாடுகளில் செயலிழந்துள்ளதாக சர்வதேச ஊடகங்கள் செய்தி வெளியிட்டுள்ளன.
செயலியைப் பயன்படுத்த முயற்சிக்கும் போது 'சம்திங் வென்ட் ராங்' என காண்பிப்பதாகவும், மில்லியன் கணக்கான பயனர்கள் தளத்தை அணுக முடியாமல் உள்ளதாகவும் தெரிவித்து வருகின்றனர்.
அமெரிக்காவில் மட்டும் 280000 முதல் 300000+ க்கும் மேற்பட்ட பயனர்கள் தளத்தை அணுக முடியவில்லை என முறைப்பாடளித்துள்ளதாக அந்நாட்டு ஊடகங்கள் தெரிவித்துள்ளன.
சம்திங் வென்ட் ராங்
இதேவேளை இலங்கையில் உள்ள பாவனையாளர்கள் பலரும் Youtube தளத்தை அணுக முடியவில்லை என சமூகவலைதளங்களால் பதிவேற்றி வருகின்றனர்.
"யூடியூப் இப்போது முடங்கிப் போயிருக்கிறது. எனக்குக் கிடைப்பது எதுவும் இல்லாத ஒரு வெற்றுப் பக்கம் தான்.
இடதுபுறத்தில் உள்ள பக்கப்பட்டி மட்டுமே வேலை செய்வது போல் தெரிகிறது. மற்ற அனைத்தும் செயலிழந்து கிடக்கின்றன" என பாவனையாளர் ஒருவர் தனது சமூக வலைத்தளத்தில் குறிப்பிட்டுள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
Kathirippai, அச்சுவேலி, விசுவமடு
19 Feb, 1997
நெடுந்தீவு மேற்கு 4ம் வட்டாரம், நல்லூர்
09 Feb, 2026