அமெரிக்க கடல் ஆதிக்கத்திற்கு புதிய சவாலான சீன நீர்மூழ்கிக் கப்பல்கள்

கடந்த ஐந்து ஆண்டுகளில் சீனா தனது அணுசக்தி நீர்மூழ்கிக் கப்பல்கள் உற்பத்தியை வேகமாக அதிகரித்து, அமெரிக்காவை விட அதிக அளவில் புதிய கப்பல்களை கடலில் இறக்கியுள்ளது என்று அறிக்கை ஒன்று வெளியாகியுள்ளது.

சர்வதேச மூலோபாய ஆய்வு நிறுவனம்(IISS) வெளியிட்ட புதிய அறிக்கை இதனை தெரிவிக்கிறது. இது பல ஆண்டுகளாக அமெரிக்காவுக்கு சொந்தமான கடற்படை ஆதிக்கத்திற்கு சவாலாக இருக்கலாம் என எச்சரிக்கப்படுகிறது.

IISS வெளியிட்ட “Boomtime at Bohai” என்ற தலைப்பிலான அறிக்கையின் படி, 2021 முதல் 2025 வரை சீனா 10 அணு நீர்மூழ்கிக் கப்பல்களை  கடலில் அறிமுகப்படுத்தியுள்ளது. இதே காலத்தில் அமெரிக்கா 7 கப்பல்கள் மட்டுமே அறிமுகப்படுத்தியுள்ளது.

ஐக்கிய நாடுகளின் பெல்லோஷிப் பயிற்சியை முதன்முறையாக நடத்தும் இந்தியா

சீன கப்பல்கள்

2016–2020 காலத்தில் சீனா 3 கப்பல்கள் மட்டுமே சேர்த்த நிலையில், அமெரிக்கா 7 கப்பல்களை சேர்த்திருந்தது. இதனால், கடந்த ஐந்து ஆண்டுகளில் சீனாவின் வளர்ச்சி கணிசமாக அதிகரித்துள்ளது.

IISS வெளியிட்ட “Military Balance 2025” அறிக்கையின்படி, 2025 தொடக்கத்தில் சீனாவிடம் 12 அணுசக்தி நீர்மூழ்கிக் கப்பல்கள் உள்ளன.

அவற்றில் 6 பாலிஸ்டிக் ஏவுகணை கப்பல்கள் (SSBN) மற்றும் 6 தாக்குதல் அல்லது வழிகாட்டி ஏவுகணை கப்பல்கள் அடங்கும்.

இதற்கு மாறாக, அமெரிக்காவிடம் மொத்தம் 65 நீர்மூழ்கிக் கப்பல்கள் உள்ளன. அவற்றில் 14 பாலிஸ்டிக் ஏவுகணை கப்பல்கள் அடங்கும். மேலும், சீனாவிடம் 46 மரபுவழி (டீசல் இயக்கம்) நீர்மூழ்கிக் கப்பல்கள் உள்ளன.

அமெரிக்காவிடம் இத்தகைய மரபுவழி கப்பல்கள் எதுவும் இல்லை. சீனாவின் Type 094 வகை பாலிஸ்டிக் ஏவுகணை நீர்மூழ்கிக் கப்பல்கள் அணு ஆயுத ஏவுகணைகளை ஏவக்கூடியவை.

இவை சீனாவின் அணு மூவகை பாதுகாப்பு அமைப்பில் (நிலைத்தள ICBM, குண்டுவீச்சு விமானங்கள், நீர்மூழ்கிக் கப்பல்கள்) முக்கிய பங்கு வகிக்கின்றன.

மேலும், Type 096 வகை மேம்பட்ட SSBN கப்பல்கள் இந்த தசாப்தத்திற்குள் உற்பத்தி தொடங்கி, 2020களின் இறுதி அல்லது 2030களின் தொடக்கத்தில் சேவையில் சேரும் என எதிர்பார்க்கப்படுகிறது.

ஈரானின் எண்ணெய் ஏற்றுமதியை குறி வைத்த சர்வதேச நாடுகள்...!

அமெரிக்க தாக்குதல் கப்பல்கள்

CRS அறிக்கை கூறுவதாவது, 2030 ஆம் ஆண்டில் அமெரிக்க தாக்குதல் நீர்மூழ்கிக் கப்பல்கள் எண்ணிக்கை 47 ஆக குறையும். 2032 வரை 50 ஆக உயராது. மேலும், AUKUS ஒப்பந்தத்தின் கீழ் அவுஸ்திரேலியாவுக்கு 3–5 Virginia வகை கப்பல்கள் விற்பனை செய்யும் திட்டமும் அமெரிக்காவின் குறுகிய கால திறனை பாதிக்கக்கூடும்.

இதன்படி சீனாவின் புதிய கப்பல்கள் தரத்தில் அமெரிக்க மற்றும் ஐரோப்பிய கப்பல்களை விட பின்தங்கியிருக்கலாம். குறிப்பாக, அமைதியான (stealth) இயங்குதிறனில் அமெரிக்காவுக்கு இன்னும் முன்னிலை உள்ளது.

ஆனால், கடற்படையில் எண்ணிக்கை அதிகமுள்ள தரப்பு பெரும்பாலும் மேலோங்கி நிற்கும் என்பதால், சீனாவின் வேகமான வளர்ச்சி அமெரிக்கா மற்றும் அதன் கூட்டாளிகளுக்கு பெரிய சவாலாக மாறலாம் என நிபுணர்கள் எச்சரிக்கின்றனர்.