ஹமாஸ் தலைவர் கொல்லப்படுவார் : இஸ்ரேல் பாதுகாப்பு அமைச்சர் சூளுரை

Israel Israel-Hamas War Gaza

By Sumithiran Nov 04, 2023 06:32 PM GMT

Sumithiran

in உலகம்

Report

இஸ்ரேலியப் படைகள் ஹமாஸ் அமைப்பின் தலைவர் யஹ்யா சின்வாரை நெருங்கி அவரைக் கொன்றுவிடுவார்கள் என்று இஸ்ரேலிய பாதுகாப்பு அமைச்சர் யோவ் கேலண்ட் தெரிவித்தார்.

காஸா மீதான இஸ்ரேல் படையினரின் படை நடவடிக்கையின் முன்னேற்றங்கள் தொடர்பில் சனிக்கிழமை மாலை விபரிக்கையிலேயே அவர் மேற்கண்டவாறு தெரிவித்தார்.

போரின் முடிவில், காசாவில் ஹமாஸ் இருக்காது

மேலும், "போரின் முடிவில், காசாவில் ஹமாஸ் இருக்காது. இஸ்ரேலிய குடிமக்களுக்கு அந்தப் பகுதியிலிருந்து எந்த அச்சுறுத்தலும் இருக்காது" என்றும் கேலன்ட் கூறினார்.

ஹமாஸ் தலைவர் கொல்லப்படுவார் : இஸ்ரேல் பாதுகாப்பு அமைச்சர் சூளுரை | Israel Will Kill Hamas Terror Leader

இஸ்ரேல் வார இறுதியில் காசாவில் அதன் தரை நடவடிக்கையை தீவிரப்படுத்தி உள்ளமை குறிப்பிடத்தக்கது.

இஸ்ரேலிய படைக்கு ஏற்பட்ட இழப்பு

இதனிடையே காசாவில் இஸ்ரேல் படை மேற்கொண்டுள்ள படைநடவடிக்கையில் பல படையினர் காயமடைந்துள்ளதாக இஸ்ரேல் படைத்துறை வட்டாரங்கள் தெரிவித்துள்ளன.இதன்படி 260 இஸ்ரேலிய படையினர் காயம் காரணமாக களத்திலிருந்து அகற்றப்பட்டுள்ளனர்.

அதேபோன்று தரை நடவடிக்கையில் 25 வீரர்கள் கொல்லப்பட்டுள்ளனர்.இதன்படி ஒக்டோபர் 07 ஆம் திகதி தொடக்கம் இதுவரை 341 இல்ரேலிய படையினர் கொல்லப்பட்டுள்ளதாக அறிவிக்கப்பட்டுள்ளது.