சிவமோகன் வழங்கிய குற்றப்பத்திரிகையை வாங்கமறுத்த சுமந்திரன்!

வவுனியாவில் (Vavuniya) தமிழரசுக்கட்சியின் செயலாளர் ப.சத்தியலிங்கம் (P. Sathyalingam) மீது முன்வைக்கப்பட்டுள்ள குற்றப்பத்திரிகையின் பிரதியை முன்னாள் நாடாளுமன்ற உறுப்பினர் சிவமோகன் (S. Sivamohan) வழங்க முற்ப்பட்ட போது அதனை சுமந்திரன் (M. A. Sumanthiran) வாங்கமறுத்துள்ளார்.

தமிழரசுக்கட்சியின் அரசியல் குழுக்கூட்டம் வவுனியா ஈரற்பெரியகுளத்தில் அமைந்துள்ள தனியார் விருந்தினர் விடுதியில் தற்போது இடம்பெற்று வருகின்றது.

இதன்போது கட்சியின் செயலாளரின் பொறுப்பற்ற தான்தோன்றித்தனமான செயற்பாடுகளால் கட்சியின் கூட்டுப்பொறுப்பு உருக்குலைக்கப்பட்டதாகவும் அதனை விசாரணை செய்யுமாறு கோரி முன்னாள் நாடாளுமன்ற உறுப்பினர் சி.சிவமோகனால் கட்சியின் பதில் செயலாளருக்கு எதிராக குற்றப்பத்திரிகை ஒன்று தாக்கல் செய்யப்பட்டுள்ளது.

தமிழரசுக் கட்சி தேசியப் பட்டியல் சர்ச்சை - ஆரம்பமான அரசியல் குழுக்கூட்டம்

குற்றப்பத்திரிகை

குறித்த குற்றப்பத்திரிகையின் பிரதியை இன்றைய (17) கூட்டத்திற்கு வருகைதந்த அனைவருக்கும் சிவமோகன் வழங்கியியுள்ளார்.

இந்தநிலையில், சுமந்திரனுக்கும் அதனை வழங்கமுற்ப்பட்ட போது அவர் அதனை பெற்றுக்கொள்ள மறுத்துவிட்டுச் சென்றுள்ளார்.

குறித்த குற்றப்பத்திரிகையில், கட்சி மாநாட்டுக்கு முன்னர் ஆலோசனைக்கூட்டம் நடாத்தாமை, சுகயீனம் எனக்கூறி பொதுக்குழு கூட்டத்திற்குவராமை, யாப்பிற்கு முரனாக தேர்தல் நியமனக்குழுவை நியமித்தமை, கட்சி உருக்குலைய காரணமாக இருந்தமை மற்றும் முல்லைத்தீவு மாவட்டக்குழுவின் ஆலோசனை இன்றிதேர்தல் நியமனங்களை வழங்கியமை போன்ற குற்றச்சாட்டுக்கள் முன்வைக்கப்பட்டுள்ளது.

இதேவேளை, இது தொடர்பாக கருத்து தெரிவித்த சிவமோகன் “தோற்றவர்கள் நாடாளுமன்றதேர்தல் கேட்ககூடாது என்று சொன்னவர் யார்.

அப்படி ஒரு முடிவு கட்சி எடுக்கவில்லை, கட்சி எடுக்காத முடிவை கட்சியின் பேச்சாளர் என்ற போர்வையில் உட்புகுத்த கூடாது.

இம்முறை நாடாளுமன்றம் செல்லும் பெண்கள் எத்தனை பேர் தெரியுமா...!

இனச்சுத்திகரிப்பு 

முஸ்லீம்களை புலிகள் இனச்சுத்திகரிப்பு செய்தார்கள் என்ற அவரது கருத்து தமிழரசுக்கட்சிக்கு பெரும் பின்னடைவை ஏற்ப்படுத்தியது.

அது கட்சி எடுத்த முடிவா ? இல்லையே, போரை நீங்கள் ஏற்கவில்லை நீங்கள் கொழும்பில் (Colombo) இருந்தீர்கள் நாங்கள் இந்த மண்ணில் இருந்தோம் அதை ஏற்ப்பதா இல்லையா என்று நாங்களே தீர்மானிக்க வேண்டும்.

அதை நீங்கள் சொல்லத்தேவையில்லை, தோற்றவர்கள் கேட்க கூடாது என்று கூறிவிட்டு தேசியபட்டியல் குடுப்பதற்கு இனி இங்கு போராட்டம் நடக்கும்.

நான் எடுக்கமாட்டேன் என்று சொல்லி அவரும், நீங்கள் எடுங்கோ என்று எங்கட ஆக்கள் சொல்லி சிலநேரம் குடுக்கப்படலாம் அது பிழை.

படுதோல்வியடைந்த சுமந்திரன் மற்றும் தமிழரசுக்கட்சியை உருக்குலைத்த சத்தியலிங்கம் ஆகியோர் தாங்களாகவே பதவிகளில் இருந்து விலகிகொள்ள வேண்டும்.

தேசியபட்டியல் ஆசனத்தை வன்னிக்கு கொடுக்க வேண்டும் என்றால் அது இரண்டாவது விருப்பு வாக்கை எடுத்தவருகே கொடுக்க வேண்டும்” என அவர் தெரிவித்துள்ளார்.

தமிழரசுக் கட்சி: தேசியப் பட்டியல் கேட்டு அடம்பிடிக்கும் மாவை