மதுபோதையில் இளைஞன் காவல்துறை மீது வாள்வெட்டுத் தாக்குதல் முயற்சி- அடுத்து இடம்பெற்ற சம்பவம்!
யாழ்ப்பாணம் கோண்டாவில் பகுதியில் மது போதையில் அட்டகாசம் புரிந்த நபரை மேல் வெடி வைத்து காவல்துறையினர் கைது செய்துள்ளனர்.
கோப்பாய் காவல்துறை பிரிவுக்கு உட்பட்ட கோண்டாவில் செபஸ்ரியன் வீதி பகுதியில் , உள்ள வீடொன்றில் மதுபோதையில் இருந்த இளைஞன், தாய் மீதும், வீட்டிலிருந்தோர் மீதும் தாக்குதல் நடத்தி, அட்டகாசம் புரிந்துள்ளார்.
அது தொடர்பில் அயலவர்கள் கோப்பாய் காவல்துறையினருக்கு தகவல் வழங்கியதை அடுத்து சம்பவ இடத்திற்கு விரைந்த காவல்துறை குறித்த இளைஞனை கைது செய்ய முயற்சித்துள்ளனர். அதன் போது, இளைஞன் வீட்டில் இருந்த வாள் ஒன்றை தூக்கி காவல்துறை மீது தாக்குதலை மேற்கொள்ள முயற்சித்துள்ளார்.
அதனை அடுத்து காவல்துறை வானை நோக்கி எச்சரிக்கை வேட்டுக்களை தீர்த்து இளைஞனை மடக்கி பிடித்துள்ளனர். அத்துடன் இளைஞனிடம் இருந்து வாளையும் மீட்டனர்.
கைது செய்யப்பட்ட இளைஞனை கோப்பாய் காவல் நிலையத்தில் தடுத்து வைத்து மேலதிக விசாரணகளை முன்னெடுத்து வருகின்றனர்.
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
புங்குடுதீவு 3ம் வட்டாரம், London, United Kingdom
13 Oct, 2024
