இந்தியாவிற்கு எதிராக வரலாற்று சாதனை படைத்த ஜோ ரூட்

சர்வதேச டெஸ்ட் கிரிக்கெட்டில் அதிக ஓட்டங்கள் எடுத்தவர்களின் பட்டியலில் இங்கிலாந்தின் ஜோ ரூட் (Joe root) இரண்டாவது இடத்திற்கு முன்னேறியுள்ளார்.

இந்தியா - இங்கிலாந்து இடையிலான நான்காவது டெஸ்ட் போட்டியில் ஜோ ரூட் 38 ஆவது சதத்தைப் பதிவு செய்தார்.

இதனை அடுத்து டெஸ்ட் கிரிக்கெட்டில் சில மைல்கல் சாதனைகளை ஜோ ரூட் நிலைநாட்டினார்.

ரொனால்டோவின் சாதனையை முறியடித்த மெஸ்ஸி

அதிக ஓட்டங்கள் குவித்தவர்கள் வரிசை

டெஸ்ட் கிரிக்கெட்டில் தனது மொத்த எண்ணிக்கையை 13,409 ஓட்டங்களாக உயர்த்தியதன் மூலம் சச்சின் டெண்டுல்காரின் 15,921 ஓட்டங்களுக்கு அடுத்ததாக அதிக ஓட்டங்கள் குவித்தவர்கள் வரிசையில் இரண்டாம் இடத்தை அடைந்துள்ளார்.

இந்தியாவின் ராகுல் ட்ராவிட் (13,288), தென் ஆபிரிக்காவின் யக்ஸ் கல்லிஸ் (13,289), அவுஸ்திரேலியாவின் ரிக்கி பொன்டிங் (13,378) ஆகியோரை பின்தள்ளியே ஜோ ரூட் இரண்டாம் இடத்தை அடைந்தார்.

அத்துடன் 38ஆவது சதத்தைத் குவித்ததன் மூலம் சச்சின் டெண்டுல்கார் (51 சதங்கள்), யக்ஸ் கல்லிஸ் (45), ரிக்கி பொன்டிங் (41) ஆகியோருக்கு அடுத்ததாக குமார் சங்கக்காரவுடன் (38) 5ஆம் இடத்தை ஜோ ரூட் பகிர்ந்துகொண்டுள்ளார்.

சர்வதேச டெஸ்ட் கிரிக்கட் வரலாற்றில் அதிக ஓட்டங்களை எடுத்த வீரர்கள் பட்டியலில் சச்சின் டெண்டுல்கரின் சாதனையை இங்கிலாந்தின் ஜோ ரூட் முறியடிப்பார் என்று விமர்சகர்கள் தெரிவித்துள்ளனர்.

இந்திய பெண்கள் அணி படைத்த உலக சாதனை

முதலாவது வீரர் சாதனை

ஓல்ட் ட்ரஃபர்ட் விளையாட்டரங்கில் ஜோ ரூட் 1128 ஓட்டங்களைப் பெற்றுள்ளார்.

இதன் மூலம் இந்த விளையாட்டரங்கில் 1000 ஓட்டங்களைக் கடந்த முதலாவது வீரர் என்ற சாதனையை நிலைநாட்டினர்.

லோர்ட்ஸ் விளையாட்டரங்கிலும் அவர் 1000க்கும் மேற்பட்ட ஓட்டங்களைக் குவித்துள்ளார். அங்கு அவர் 2166 ஓட்டங்களை மொத்தமாக குவித்துள்ளார்.

தங்க ஜெர்சியுடன் களமிறங்கவுள்ள மேற்கிந்திய தீவு கிரிக்கெட் நட்சத்திரங்கள்