அடுத்த ஆண்டு அதிபர் தேர்தல் நிச்சயம்: உறுதியளித்த அமெரிக்கா
இலங்கையில் அடுத்த ஆண்டு அதிபர் தேர்தல் நடைபெறும் என இலங்கைக்கான அமெரிக்க தூதுவர் ஜூலி சங் நம்பிக்கை தெரிவித்துள்ளார்.
இதனை கொழும்பு ஊடகம் ஒன்றுக்கு வழக்கப்பட்ட செவ்வியொன்றிலேயே அவர் இவ்வாறு கூறியுள்ளார்.
இந்த விடயம் தொடர்பில் கருத்து தெரிவித்த அவர், “உரியநேரத்தில் தேர்தல்கள் இடம்பெறுவது ஜனநாயகத்திற்கு மிக அவசியமான விடயம், இதன் காரணமாக இலங்கையில் அடுத்த வருடம் அதிபர் தேர்தல் இடம்பெறும்.
அதிபர் தேர்தல்
அரசியலமைப்பின் பிரகாரம், அடுத்தவருடம் நடைபெறவேண்டிய உள்ளூராட்சி சபைத் தேர்தல்கள், நாடாளுமன்றத் தேர்தல்கள் மற்றும் மாகாண சபைத் தேர்தல்களும் இடம்பெறும் என எதிர்பார்க்கின்றோம்.
இந்தவிடயங்கள் அனைத்தும் மக்களிற்கான குரல்களை வழங்கும் அவர்கள் வாக்களிப்பின் மூலம் தங்கள் கருத்துக்களை வெளியிடமுடியும் தங்கள் தலைமையை தெரிவு செய்ய முடியும்.
இலங்கை அடுத்த வருடமும் அதற்குப்பின்னரும் தேர்தல்களை நடத்த திட்டமிடப்பட்டிருப்பதாக அமெரிக்கா நம்புகிறது.
மேலும், சுதந்திரமான நியாயமான தேர்தல் இடம்பெறுவதையும் அமெரிக்கா எதிர்பார்த்துள்ளது.'' என தெரிவித்தார்.
