களுத்துறை இரட்டைக் கொலை சம்பவத்தில் தொடர்புடைய சந்தேக நபர்கள் கைது!
களுத்துறை, நாகொட பகுதியில் உள்ள உணவகம் ஒன்றின் முன்னால் துப்பாக்கியால் சுட்டு ஆண் ஒருவரும் பெண் ஒருவரும் கொலை செய்யப்பட்ட சம்பவத்துக்கு உதவி, வழங்கியதாகச் சந்தேகிக்கப்படும் மூவர் கைது செய்யப்பட்டுள்ளனர்.
கடந்த ஒக்டோபர் 9ஆம் திகதி இடம்பெற்ற இந்த இரட்டைக் கொலைச் சம்பவம் தொடர்பில் விசாரணைகளை முன்னெடுத்த களுத்துறை மாவட்ட குற்றப் பிரிவினர், சந்தேகநபர்கள் மூவரையும் நேற்று (15.10.2026) இரவு கைது செய்துள்ளதாக காவல் ஊடகப் பிரிவு தெரிவித்துள்ளது.
கைது செய்யப்பட்டவர்கள் 24, 26 மற்றும் 36 வயதுடையவர்கள் எனவும், களுத்துறை தெற்கு மற்றும் அகலவத்தை பகுதிகளைச் சேர்ந்தவர்கள் எனவும் தெரிவிக்கப்பட்டுள்ளது.
மேலதிக விசாரணை
சந்தேகநபர்களிடமிருந்து மோட்டார் சைக்கிளொன்று, இரண்டு கையடக்கத் தொலைபேசிகள், ஒரு கிராம் ஐஸ் போதைப்பொருள் மற்றும் திருடப்பட்டதாகச் சந்தேகிக்கப்படும் முச்சக்கர வண்டியொன்றும் காவல்துறையினரால் கைப்பற்றப்பட்டுள்ளன.
சம்பவம் தொடர்பான மேலதிக விசாரணைகளை களுத்துறை தெற்கு காவல்துறையினர் முன்னெடுத்து வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
மலேசியா, Malaysia, தெல்லிப்பழை, Wembley, United Kingdom
09 Oct, 2026
புங்குடுதீவு 3ம் வட்டாரம், London, United Kingdom
13 Oct, 2024
