கொழும்பில் கடத்தப்பட்ட பல்கலைக்கழக மாணவன்

தனியார் பல்கலைக்கழக மாணவர் ஒருவர் சக மாணவர்களால் கடத்தப்பட்டு அச்சுறுத்தப்பட்ட நிலையில் காவல்துறையினரின் உடனடி செயற்பாட்டால் மீட்கப்பட்டுள்ளார்.

கடந்த திங்கட்கிழமை (04) இந்த சம்பவம் இடம்பெற்றுள்ளது. களுபோவில ஆசிரி மாவத்தையில் வசிக்கும் 18 வயதுடைய மாணவர் ஒருவரே கடத்தப்பட்டவராவார்.

இது தொடர்பில் மேலும் தெரியவருவதாவது,

தந்தையை கட்டுநாயக்க சர்வதேச விமான நிலையத்தில் இறக்கிவிட்டு

கடந்த 4ஆம் திகதி வெளிநாட்டுக்குச் சென்ற தந்தையை கட்டுநாயக்க சர்வதேச விமான நிலையத்தில் இறக்கிவிட்டு வீடு திரும்பிய நிலையில், வீட்டை விட்டு காரில் வெளியே சென்றவேளை மாணவர் கடத்தப்பட்டுள்ளார்.

தெஹிவளை மாநகர சபைக்கு அருகாமையில் வீதியைக் கடந்த வான் ஒன்று மாணவனையும் அவர் பயணித்த சொகுசு காரையும் கடத்திச் சென்றதாக காவல்துறையினர் தெரிவித்தனர்.

மன்னாரில் சிறிலங்கா இராணுவ சிப்பாய்க்கு விதிக்கப்பட்ட மரணதண்டனை

கடத்தப்பட்ட மாணவனை வானில் ஏற்றி

பின்னர் மாணவனை வானில் ஏற்றி களுபோவில வைத்தியசாலைக்கு அருகில் உள்ள வீடொன்றுக்கு அருகில் வானை நிறுத்திவிட்டு மீண்டும் மாணவனை அவர் பயணித்த காரில் ஏற்றி மாத்தளை பகுதிக்கு கடத்திச் சென்றுள்ளனர்.

அங்கு சந்தேகநபர்கள் மாணவனை அச்சுறுத்தி திஹாரி பிரதேசத்தில் உள்ள அவரது தந்தைக்கு சொந்தமான காணியை தமக்கு பதிவு செய்து தருமாறு அச்சுறுத்தியுள்ளனர். இது தொடர்பில் மாணவன் தனது தாயாருக்கு தொலைபேசி மூலம் தெரிவிக்க நடவடிக்கை எடுத்ததையடுத்து சம்பவம் தொடர்பில் தாயார் கொஹுவல காவல் நிலையத்தில் முறைப்பாடு செய்துள்ளார்.

ரணிலின் ஆட்சி தொடர்ந்தால் புலிகள் உயிர்த்தெழுவார்களாம் : இனவாத சிந்தனையுடன் ஜி.எல்.பீரிஸ் அறைகூவல்!

 உடனடியாக செயற்பட்ட கொஹுவளை காவல்துறை அதிகாரிகள் கடத்தல் சம்பவத்துடன் தொடர்புடையதாகக் கூறப்படும் பிரதான சந்தேகநபரின் தந்தையை காவல் நிலையத்திற்கு அழைத்துள்ளனர்.

துரிதமாக செயற்பட்ட காவல்துறை

பின்னர் அவர் ஊடாக கடத்தலில் ஈடுப்பட்ட மாணவர்களுக்கு சூட்சுமமாக அழைப்பெடுத்து கொஹுவல பகுதிக்கு அழைத்து வந்து தனியார் பல்கலைக்கழக மாணவர்கள் மூவர் சந்தேகத்தின் பேரில் கைது செய்யப்பட்டதுடன், திருடப்பட்ட காரும் கைப்பற்றப்பட்டது.

கடத்தப்பட்ட மாணவனின் தந்தைக்கும் பல வருடங்களுக்கு முன்னர் கடத்தப்பட்ட குழுவின் பிரதான சந்தேகநபரின் தந்தைக்கும் இடையில் ஏற்பட்ட நிதித் தகராறு காரணமாக இந்த கடத்தல் இடம்பெற்றுள்ளதாக காவல்துறை விசாரணைகளில் இருந்து தெரியவந்துள்ளது.

கிரிக்கெட் மைதான ஊழியர்களுக்கு வழங்கப்படவுள்ள பரிசுத்தொகை

சம்பவத்துடன் தொடர்புடைய மற்றுமொரு சந்தேக நபரை கைது செய்வதற்கான மேலதிக விசாரணைகள் ஆரம்பிக்கப்பட்டுள்ளன.