கிளிநொச்சியில் கொடூரம் : கடத்தப்பட்டவர் வெட்டி சித்திரவதை
கிளிநொச்சியில் கடத்தப்பட்ட ஒருவர் வெட்டுக்காயங்களுடன் கடும் சித்திரவதைக்கு உள்ளான நிலையில் காவல்துறையில் சரணடைந்துள்ளார்.
கிளிநொச்சி பாரதிபுரம் பகுதியைச் சேர்ந்த 48 வயதான நபருக்கே இந்த சம்பவம் இடம்பெற்றுள்ளது.
இது தொடர்பில் மேலும் தெரியவருவதாவது,
குறித்த பகுதியை சேர்ந்த நபர் காணாமல்போனதாக காவல்துறையில் முறைப்பாடு அளிக்கப்பட்டிருந்தது. இந்த நிலையில் காணாமல் போனதாக தெரிவிக்கப்பட்ட மேற்படி நபர் வெட்டுக்காயங்களுடன் கிளிநொச்சி காவல்துறையில் சரணடைந்துள்ளார்.
வெவ்வேறு இடங்களுக்கு மாற்றி சித்திரவதை
தன்னை ஒரு கும்பல் கடத்தி வெவ்வேறு இடங்களுக்கு மாற்றி சித்திரவதை செய்ததாக காவல்துறையினரிடம் அவர் தெரிவித்துள்ளார்.
இவரை அடைத்து வைத்த வீட்டிற்கு அழைத்துச் சென்ற காவல்துறையினர் சாட்சியங்களை பதிவு செய்ததுடன், தடயவியல் சான்றுகளையும் பெற நடவடிக்கை மேற்கொண்டுள்ளனர்.
கிளிநொச்சி வைத்தியசாலை
இதனைத் தொடர்ந்து குறித்த நபர் கிளிநொச்சி வைத்தியசாலையில் சிசிச்சைக்காக அனுமதிக்கப்பட்டுள்ளார்.
இச்சம்பவம் தொடர்பாக குற்றத்தடுப்புப் பிரிவினர் விரிவான விசாரணைகளை ஆரம்பித்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
