முன்னாள் போராளி கிருஷ்ணகுமாரை எதிர்வரும் மாதம் நீதிமன்றில் முன்னிலையாக அழைப்பு
புதிய இணைப்பு
கட்டுநாயக்க விமான நிலையத்தில் வைத்து கைது செய்யப்பட்ட முன்னாள் போராளி கிருஷ்ணகுமார் கந்தசாமியை எதிர்வரும் 12.11.2026 அன்று மீண்டும் நீதிமன்றத்தில் முன்னிலையாகுமாறு அவருக்கு அறிவுறுத்தப்பட்டுள்ளது.
தமிழகத்திலிருந்து நாடு திரும்பிய நிலையில் கட்டுநாயக்க சர்வதேச விமான நிலையத்தில் வைத்து கைது செய்யப்பட்ட யாழ்ப்பாணத்தைச் சேர்ந்த நபர், இன்று வியாழக்கிழமை பிற்பகல் மல்லாகம் நீதிவான் நீதிமன்றத்தில் முற்படுத்தப்பட்டார்.
யாழ்ப்பாணம் மாசியப்பிட்டி, அம்மன் கோவிலடியைச் சேர்ந்த கந்தசாமி கிருஷ்ணகுமார் (வயது 50) என்பவரே இவ்வாறு விடுதலை செய்யப்பட்ட நிலையில் இந்த உத்தரவு பிறப்பிக்கப்பட்டுள்ளது.
அவருக்கு எதிராக ஏற்கனவே நீதிமன்றத்தில் வழக்கு நிலுவையில் உள்ள நிலையில், இன்று மல்லாகம் நீதிமன்றத்தில் முற்படுத்தப்பட்ட அவர் சொந்தப் செல்ல அனுமதிக்கப்பட்ட நிலையில் மீண்டும் நீதிமன்றத்தில் முன்னிலையாகுமாறு அவருக்கு அறிவுறுத்தப்பட்டுள்ளது.
செய்தி - தீபன்
முதலாம் இணைப்பு
கட்டுநாயக்க விமான நிலையத்தில் வைத்து கைது செய்யப்பட்ட முன்னாள் போராளி கிருஷ்ணகுமார் கந்தசாமி விடுதலை செய்யப்பட்டுள்ளார்.
தமிழகத்தின் திருச்சி சிறப்பு முகாமில் இருந்து அவர் நாடு திரும்பிய நிலையில் அவர் கைது செய்யப்பட்டிருந்தார்.
இந்தியாவில் 7 ஆண்டுகள் சிறைத்தண்டனை மற்றும் திருச்சி சிறப்பு முகாமில் பல ஆண்டுகள் தடுப்புக்காவல் என மொத்தம் 11 ஆண்டுகளுக்கும் மேலாக தடுத்து வைக்கப்பட்டிருந்த கிருஷ்ணகுமார் கந்தசாமி, நீண்ட சட்டப் போராட்டத்திற்குப் பிறகு கடந்த அக்டோபர் 26, 2026 அன்று இலங்கைக்கு நாடு கடத்தப்பட்டார்.
நீதிமன்ற விசாரணை
அவர் கட்டுநாயக்க சர்வதேச விமான நிலையத்தை வந்தடைந்ததும் குடிவரவு அதிகாரிகளால் பொறுப்பேற்கப்பட்டு, அன்றைய தினமே மேலதிக விசாரணைகளுக்காக கொழும்பு பயங்கரவாத புலனாய்வுப் பிரிவிடம் (TID) ஒப்படைக்கப்பட்டார்.
பின்னர் அவருக்கு 72 மணிநேரம் தடுத்து வைத்து விசாரணை செய்வதற்கான தடுப்புக்காவல் உத்தரவு (Detention Order) பெறப்பட்ட நிலையில் இன்று இடம்பெற்ற நீதிமன்ற விசாரணைக்கு அமைய அவர் விடுதலை செய்யப்பட்டுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
