லொத்தர் சீட்டின் விலையில் திடீர் மாற்றம் - இன்று முதல் புதிய நடைமுறை
இன்று முதல்(06) தேசிய லொத்தர் சபை மற்றும் அபிவிருத்தி லொத்தர் சபை என்பன தமது அதிர்ஷ்ட இலாப சீட்டுகளின் விலைகளை அதிகரித்துள்ளன.
இதற்கமைய 20 ரூபாவாக காணப்பட்ட அதிர்ஷ்ட இலாப சீட்டுகளின் விலைகள் 40 ரூபாவாக அதிகரிக்கப்பட்டுள்ளது.
1964 ஆம் ஆண்டு நிறுவப்பட்ட தேசிய லொத்தர் சபை மற்றும் 2008 ஆம் ஆண்டு நிறுவப்பட்ட அபிவிருத்தி லொத்தர் சபையின் லொத்தர் சீட்டுகளின் விலைகளில் இன்றிலிருந்து மாற்றம் ஏற்படவுள்ளதாக தேசிய லொத்தர் சபையின் தலைவர் சமிர சி யாப்பா அபேவர்தன தெரிவித்துள்ளார்.
மேலும், லொத்தர் அதிர்ஷ்ட இலாப சீட்டு முகவர்கள் மற்றும் விநியோக விற்பனை முகவர்களுக்கு வழங்கப்படும் தரகுப்பணம், நூறு சதவீதம் (100%) உயர்த்தப்பட்டு, வெற்றி பெறும் பரிசுத் தொகையும் இரு மடங்காக உயர்த்தப்பட்டுள்ளதாக அவர் தெரிவித்துள்ளார்.
விற்பனையில் சிக்கல்
விலையேற்றம் காரணமாக லொத்தர் விற்பனையில் சிக்கல் ஏற்பட்டுள்ளதாக அகில இலங்கை லொத்தர் சங்கத்தின் தலைவர் திரு.கிருஷாந்த மரம்பகே தெரிவித்தார்.
எனினும், லொத்தர் விலையை அதிகரிப்பதன் மூலம் எந்தவொரு தரப்பினருக்கும் அநீதி இழைக்கப்படவில்லை என தேசிய லொத்தர் சபையின் சந்தைப்படுத்தல் உதவிப் பொது முகாமையாளர் திரு.மெனுர சதுரங்க தெரிவித்துள்ளார்.
நாடளாவிய ரீதியில் 100 மாவட்ட விற்பனைப் பிரதிநிதிகளும், 2500 விற்பனைப் பிரதேச பிரதிநிதிகளும், 21000 விற்பனை உதவியாளர்களும் காணப்படுகின்றமை குறிப்பிடத்தக்கது.
நினைவுக் குருதியில் தோய்ந்த ஊடக சுதந்திர தினம் 7 மணி நேரம் முன்
உலகமெங்கும் உழைப்பால் தடம் பதிக்கும் ஈழத் தமிழர்கள்…
3 நாட்கள் முன்
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
யாழ் சண்டிலிப்பாய் வடக்கு, Jaffna, நல்லூர், திருநெல்வேலி, யாழ்ப்பாணம், கனடா, Canada
02 May, 2021
