மகிந்த கஹந்தகமவின் மகளுடன் போதைப்பொருள் கடத்தல்காரர் பேசும் ஒலிப்பதிவு அம்பலம்

SLPP Money Drugs

By Jaso Oct 06, 2026 01:04 PM GMT

Jaso

in சமூகம்

Report

இன்று கைது செய்யப்பட்ட மொட்டுவின் முன்னாள் கொழும்பு மாநகர சபை உறுப்பினர் மகிந்த கஹந்தகம மற்றும் அவரது மகளைக் கொலை செய்வதாக மிரட்டி, ஒரு போதைப்பொருள் கடத்தல்காரர் பேசியதாகக் கூறப்படும் சர்ச்சைக்குரிய தொலைபேசி உரையாடல் ஒலிப்பதிவு ஒன்று வெளியாகியுள்ளது.

அந்த ஒலிப்பதிவின்படி, போதைப்பொருள் கடத்தல்காரர் முதலில் கஹந்தகமவின் மகளை வாய்மொழியாகத் திட்டி, அவரைக் கொலை செய்வதாக மிரட்டுகிறார்.

போதைப்பொருளுக்கான பணத்தை திருப்பித்தராத தந்தை

அவரிடம் இருந்து வாங்கிய 500 கிராம் 'ஐஸ்' போதைப்பொருளுக்கான பணத்தை அவரது தந்தை மூன்று மாதங்களாகத் திருப்பிச் செலுத்தவில்லை என்றும், இதற்கு முன்பும் இதே போன்ற ஒரு பரிவர்த்தனையில் அவர் தவறியுள்ளார் என்றும் அவர் கூறுகிறார்.

மகிந்த கஹந்தகமவின் மகளுடன் போதைப்பொருள் கடத்தல்காரர் பேசும் ஒலிப்பதிவு அம்பலம் | Mahinda Kahadagama Daughter And A Drug Trafficker

பணம் செலுத்தப்படாவிட்டால், அவரது தந்தையைச் சுட்டுவிடுவதாகவும், அவர்களது கடையைத் தாக்குவதாகவும் அந்தக் கடத்தல்காரர் மிரட்டுகிறார்.

பின்னர் அந்தத் தொலைபேசி உரையாடலில் இணைந்த முன்னாள் மாநகர சபை உறுப்பினர் மகிந்த கஹந்தக, சம்பந்தப்பட்ட நபரிடம் பீதியடைய வேண்டாம் என்று கெஞ்சுவது அந்த ஒலிப்பதிவில் கேட்கப்படுகிறது.

யாரிடமிருந்தும் பணத்தை ஏமாற்றிப் பறிக்க முயற்சிக்கவில்லை

தான் யாரிடமிருந்தும் பணத்தை ஏமாற்றிப் பறிக்க முயற்சிக்கவில்லை என்றும், நிலுவைத் தொகையைச் செலுத்துவதற்காக ஒரு நிலத்தை விரைவாக விற்கும் பணியில் ஈடுபட்டுள்ளதாகவும் அவர் கூறுகிறார்.

சமீபத்தில் ஒரு வாங்குவோர் குழு நிலத்தைப் பார்வையிட வந்ததாகக் கூறும் கஹந்தக, அந்த நிலத்தைக் குறைந்த விலைக்கு விற்க நடவடிக்கை எடுப்பதாகவும், கூடிய விரைவில் பணத்தைச் செலுத்திவிடுவதாகவும் கடத்தல்காரரிடம் உறுதியளிப்பது அந்த ஒலிப்பதிவில் கேட்கப்படுகிறது.

போதைப்பொருள் தொடர்பான குற்றச்சாட்டுகளின் பேரில் மஹிந்த கஹந்தகம உட்பட இருவரை மத்திய குற்றப் புலனாய்வுப் பிரிவு கைது செய்துள்ள சூழலில் இந்த ஒலிப்பதிவு பொதுவெளியில் வெளியாகியுள்ளமை குறிப்பிடத்தக்கது.

அந்த ஒலிப்பதிவு இணைக்கப்பட்டுள்ளது.

View on Vocaroo >>

மேலும் இது தொடர்பான செய்திகளைப் படிக்க இங்கே கிளிக் செய்யவும்