மனச்சோர்வு நோயினால் பாதிக்கப்பட்டுள்ள மகிந்த - கைவிடப்பட்ட பிள்ளைகள்! அம்பலமான தகவல்
ரோஹித மற்றும் யோசித ஆகிய இரு புதல்வர்களும் முன்னாள் ஜனாதிபதி மகிந்த ராஜபக்சவை கவனித்துக்கொள்வதில்லை என ஜனாதிபதி சட்டத்தரணி மொஹமட் அலி சப்ரி நீதிமன்றத்தில் மறைமுகமாக தெரிவித்துள்ளார்.
குறித்த விடத்தை நேற்று ஜனாதிபதி சட்டத்தரணி மொஹமட் அலி சப்ரி நீதிமன்றத்தில் குறிப்பிட்டுள்ளார்.
நிதி குற்றச்சாட்டுகள் தொடர்பில் 50 நாட்களுக்கும் மேலாக நாமல் ராஜபக்ச விளக்கமறியலில் வைக்கப்பட்டுள்ள நிலையில், தந்தையான முன்னாள் ஜனாதிபதி மகிந்த ராஜபக்சவை ஏனைய 2 சகோதரர்களும் கைவிட்டுள்ளதாக தெரியவந்துள்ளது.
மனச்சோர்வு நோய்
அதில் முன்னாள் ஜனாதிபதி மகிந்த ராஜபக்ச மற்றும் ஷிரந்தி ராஜபக்ச ஆகிய இருவருமே தீவிர நோய்களினால் பாதிக்கப்பட்டுள்ளனர்.
அதனை தவிர, 81 வயதான மகிந்த ராஜபக்ச மனச்சோர்வு நோயினால் பாதிக்கப்பட்டுள்ளார் எனவும் அவரைக் கவனித்துக் கொள்வதற்கு ஷிரந்தி ராஜபக்சவைத் தவிர நாமல் ராஜபக்ச மட்டுமே உள்ளார் என்றும் அவர் குறிப்பிட்டுள்ளார்.
அதற்கமைய, ரோஹித மற்றும் யோசித ஆகிய இரு புதல்வர்களும் தமது தந்தையைக் கவனித்துக்கொள்வதில்லை என்பதை ஜனாதிபதி சட்டத்தரணி மொஹமட் அலி சப்ரி நீதிமன்றத்தில் மறைமுகமாகத் தெரிவித்துள்ளார் என தகவல் வெளியாகியுள்ளது.
இதேவேளை எயார்பஸ் (Airbus) வழக்கு தொடர்பான குற்றச்சாட்டுகளை எதிர்நோக்கியுள்ள நாடாளுமன்ற உறுப்பினர் நாமல் ராஜபக்ஷ, இன்று கொழும்பு நிரந்தர மூவரடங்கிய மேல்நீதிமன்றத்தில் முன்னிலைப்படுத்தப்பட்டதைத் தொடர்ந்து, அவரை எதிர்வரும் நவம்பர் மாதம் 19 ஆம் திகதி மீண்டும் சிறைச்சாலை அதிகாரிகள் ஊடாக நீதிமன்றத்தில் முன்னிலைப்படுத்துமாறு நீதிபதிகள் குழாம் உத்தரவிட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
