ஈஸ்டர் தினத் தாக்குதல் பிரதான சூத்திரதாரி யார்..! சபையில் வெடித்த சர்ச்சை
‘உயிர்த்த ஞாயிறு குண்டுத் தாக்குதல் சம்பவத்துக்கு பிரதான சூத்திரதாரி யார் என்பது இதுவரையில் வெளிப்படுத்தப்படவில்லை. பிரதான சூத்திரதாரி மற்றும் இதன் உண்மை நீதிமன்றத்தால் வெளிப்படுத்தப்பட வேண்டும்’’ என இலங்கைத் தமிழரசுக் கட்சியின் மட்டக்களப்பு மாவட்ட நாடாளுமன்ற உறுப்பினர் ஸ்ரீநேசன் வலியுறுத்தினார்.
நாடாளுமன்றத்தில் நேற்று (23) நடைபெற்ற ஏற்றுமதிக் கமத்தொழில் ஊக்குவிப்பு (திருத்தச்) சட்டமூலம் மீதான விவாதத்தில் உரையாற்றுகையில் மேற்கண்டவாறு குறிப்பிட்டார்.
அவர் மேலும் உரையாற்றுகையில், ‘‘உயிர்த்த ஞாயிறு குண்டுத்தாக்குதல் சம்பவம் தொடர்பில் மேல் நீதிமன்றம் வரலாற்று சிறப்பு மிக்க தீர்ப்பினை வழங்கியுள்ளது. இந்த தீர்ப்பினை வரவேற்கிறோம்.
நீதியின் மீதான நம்பிக்கை
நீண்ட விசாரணைகளுக்கு பின்னர் 24 பிரதிவாதிகளில் 15 பிரதிவாதிகளுக்கு கடூழிய சிறைதண்டனை விதிக்கப்பட்டுள்ளது. 09 பேர் விடுதலை செய்யப்பட்டுள்ளார்கள்.
இந்த குண்டுத்தாக்தல்களால் 260 இற்கும் மேற்பட்டோர் உயிரிழந்தார்கள். பலர் படுகாயமடைந்தார்கள். இன்றும் அதன் தாக்கம் தொடர்கிறது.
நீண்ட இடைவெளிக்கு பின்னர் நீதிமன்றத்தால் தீர்ப்பளிக்கப்பட்டுள்ளமை நீதியின் மீதான நம்பிக்கையை உறுதிப் படுத்தியுள்ளது.
பிரதான சூத்திரதாரி
குண்டுத்தாக்குதல்கள் சம்பவத்துக்கு அம்பாகவும், வில்லாகவும் செயற்பட்டவர்களுக்கே தற்போது தண்டனை வழங்கப்பட்டுள்ளது.
எய்தவனான பிரதான சூத்திரதாரி யார் என்பது இதுவரையில் வெளிப்படுத்தப் படவில்லை.
குண்டுத்தாக்குதல்கள் சம்பவத்தின் பிரதான சூத்திரதாரி மற்றும் இதன் உண்மை நீதிமன்றத்தால் வெளிப்படுத்தப்பட வேண்டும்.
பிரதான தரப்பினருக்கும் தண்டனை கிடைக்க வேண்டும். அப்போது தான் குண்டுத்தாக்குதல்களால் பாதிக்கப்பட்டவர்களுக்கு உண்மையாகவும், முழுமையாகவும் நீதி கிடைக்கும்’’ என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
