மலேசியாவின் முன்னாள் பிரதமருக்கு 12 ஆண்டு சிறைத்தண்டனை! நீதிமன்றம் உத்தரவு
மலேசியாவின் முன்னாள் பிரதமர் நஜிப் ரசாக்கு ஊழல் குற்றச்சாட்டில் 12 ஆண்டு சிறைத்தண்டனை வழங்கப்பட்டுள்ளது.
மலேசியாவில் நஜிப் ரசாக் பிரதமராக இருந்த வேளை அந்நாட்டின் அரசு முதலீட்டு நிதி அமைப்பான எம்.டி.பி. நிறுவனத்தில் 4,500 கோடி ரூபாய் ஊழல் செய்ததாக குற்றச்சாட்டு எழுந்தது.
இந்நிலையில், மலேசியா முழுவதும் பெரும் பரபரப்பை ஏற்படுத்திய இந்த முறைப்பாடு தொடர்பாக அவருக்கு சொந்தமான சொத்துக்கள் மீது மலேசிய ஊழல் தடுப்பு பிரிவினர் சோதனை நடத்தப்பட்டு ஏராளமான நகை மற்றும் பணம் கைப்பற்றப்பட்டது.
சிறைத்தண்டனை
அதேவேளை, நீதிமன்றத்தில் நஜிப் ரசாக் மீதான குற்றச்சாட்டுகள் நிரூபணமானதால் அவருக்கு 12 ஆண்டுகள் சிறைத்தண்டனை விதித்து தீர்ப்பளிக்கப்பட்டது.
வழங்கப்பட்ட தீர்ப்பை எதிர்த்த நஜிப் ரசாக் உச்ச நீதிமன்றத்தில் மேல் முறையீடு செய்தார்.எனினும், நஜிப் ரசாக்கிற்கு உயர் நீதிமன்றம் விதித்த 12 ஆண்டு சிறைத்தண்டனையை உச்ச நீதிமன்றம் உறுதி செய்தது.
மேல்முறையீட்டு மனு ரத்து
உயர் நீதிமன்ற நீதிபதி அளித்த தீர்ப்பு சரியானது என்றும், நஜிப்பின் மேல்முறையீட்டு மனு விசாரணைக்கு உகந்ததல்ல என்றும் உச்ச நீதிமன்ற நீதிபதிகள் தெரிவித்தனர்.
அத்துடன் நஜிப்பின் தண்டனையை உறுதி செய்து உடனடியாக சிறைத்தண்டனையை அனுபவிக்க வேண்டும் எனவும் தீர்ப்பளிக்கப்பட்டது.
முன்னாள் பிரதமர் ஒருவர் மலேசியாவில் சிறையில் அடைக்கப்படுவது இதுவே முதல் முறையாகும் என்பது குறிப்பிடத்தக்கது.
பருத்தித்துறை, London, United Kingdom
19 Oct, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
