எமது நிலத்தை எம்மிடம் ஒப்படையுங்கள்! தபால் மூலம் ரணிலிடம் கோரிக்கை

Mannar Ranil Wickremesinghe President of Sri lanka

By Kathirpriya Mar 04, 2024 11:37 AM GMT

Kathirpriya

in சமூகம்

Report

எமது நிலத்தை எம்மிடம் மீள ஒப்படையுங்கள்' எனும் தொனிப் பொருளில் நிலத்தை இழந்த மக்களின் குரல் அமைப்பின் ஊடாக வட மாகாண ரீதியாக இராணுவம், கடற்படை மற்றும் ஏனைய திணைக்களம் வசம் இருக்கும் மக்களின் காணிகளை விடுவிக்க கோரி தபால் மூலம் சிறிலங்கா அதிபரிற்கு கோரிக்கை விடுக்கப்பட்டுள்ளது.

இந்த நிகழ்வானது இன்றைய தினம் (04) மன்னாரிலுள்ள மெசிடோ நிறுவனத்தில் ஏற்பாட்டில் அதன் தலைவர் ஜாட்சன் பிகிறாடோ தலைமையில் இடம் பெற்றது.

மக்களின் காணிகளை அரசாங்கம் மற்றும் முப்படையினர் கையகப்படுத்தி குறித்த காணிகளில் வணிக செயற்பாடுகள் மற்றும் விவசாய செயற்பாடுகளில் ஈடுபட்டு வருகின்ற நிலையில் காணிக்கு சொந்தகாரரான மக்கள் காணிகள் இன்றி வாடகை வீடுகளிலும் வசித்து வருகின்றனர்.

ஐயாயிரம் தபால் கடிதங்கள்

இதன் அடிப்படையில் மக்களின் காணிகளில் குடியிருக்கும் படையினர் காணிகளை மக்களுக்கு விடுவித்து வழங்க வேண்டும் என்ற அடிப்படையில் சிறிலங்கா அதிபரின் காரியாலயத்திற்கு ஐயாயிரம் தபால் கடிதங்கள் அனுப்பி வைக்கப்பட்டுள்ளன.

எமது நிலத்தை எம்மிடம் ஒப்படையுங்கள்! தபால் மூலம் ரணிலிடம் கோரிக்கை | Mannar People Write Letter About Land For Ranil

மேலும், இந்த நிகழ்வில் மன்னார் மாவட்டத்தில் உள்ள மன்னார், நானாட்டான், முசலி, மாந்தை மேற்கு மற்றும் மடு ஆகிய 5 பிரதேச செயலாளர் பிரிவுகளில் இருந்தும் பாதிக்கப்பட்டவர்கள் வருகை தந்திருந்தமையும் குறிப்பிடத்தக்கது.