ராஜபக்ச ஆட்சியில் இடம்பெற்ற பாரிய அரச காணி மோசடி! அம்பலப்படுத்திய ஆளும் கட்சி எம். பி
பத்தரமுல்ல பகுதியில் அரசாங்கத்தின் பொதுத் தேவைகளுக்காகவும், நிர்வாக நகர உருவாக்கத்திற்காகவும் பெறப்பட்ட பெறுமதிமிக்க அரச காணிகளில் இடம்பெற்ற மோசடிகள் குறித்து நாடாளுமன்றில் கேள்வி எழுப்பப்பட்டுள்ளது.
ஆளும் கட்சியின் நாடாளுமன்ற உறுப்பினர் அசித்த நிரோஷனவால் இந்த குற்றச்சாட்டுக்கள் முன்வைக்கப்பட்டுள்ளன.
இதன்படி குறித்த கனிகள் கடந்த காலங்களில் அரசியல் பின்னணி கொண்ட நிறுவனங்களுக்கும் தனிப்பட்ட தரப்பினருக்கும் முறைகேடான முறையில் தாரைவார்க்கப்பட்டுள்ளதாக அவரால் சுட்டிகாட்டப்பட்டுள்ளது.
27.87 பேர்ச்சஸ் அரச காணி,
இது குறித்து கருத்து வெளியிட்ட அவர், '' பத்தரமுல்ல பகுதியில் உள்ள 27.87 பேர்ச்சஸ் அரச காணி, 'டி.ஏ.ராஜபக்ச நினைவு கல்வி, கலாசார மற்றும் சமூக நலன்புரி அறக்கட்டளைக்கு' 30 வருட குத்தகை அடிப்படையில், வெறும் 63,000 ரூபா என்ற மிகக் குறைந்த சலுகை விலைக்கு வழங்கப்பட்டுள்ளது.
கல்வி மற்றும் கலாசார நோக்கங்களுக்காக என்று கூறி இந்த காணி பெறப்பட்ட போதிலும், அங்கு உண்மையில் 'சி.எஸ்.என்' (CSN) என்ற தனியார் ஊடக நிறுவனமே நடத்தப்பட்டுள்ளது.
இதேபோல், தமரா திஸாநாயக்க (முன்னாள் அமைச்சர் எஸ்.பி. திஸாநாயக்கவின் மனைவி) என்பவருக்கு 25 பேர்ச்சஸ் காணி, 30 வருட குத்தகைக்கு 16 மில்லியன் ரூபாவிற்கு வழங்கப்பட்டுள்ளது.
பத்தரமுல்ல பகுதியில் தற்போது ஒரு பேர்ச்சஸ் காணியின் சந்தை மதிப்பு 10 மில்லியன் ரூபாவுக்கும் அதிகம் என்ற நிலையில், இக்காணி தற்போது அவர்களது தனிப்பட்ட வாகன நிறுத்துமிடமாக பயன்படுத்தப்பட்டுள்ளது" என தெரிவித்தார்.
சட்டவிரோத ஒதுக்கீடுகள்
இந்த கேள்விக்கு பதிலளித்துப் பேசிய நகர அபிவிருத்தி பிரதி அமைச்சர், '' தற்போதைய அரசாங்கத்தின் கீழ் அரசியல் பின்னணிகளையோ, தனிப்பட்ட செல்வாக்குகளையோ அடிப்படையாகக் கொண்டு அரசாங்க காணிகள் எவருக்கும் முறைகேடாக ஒதுக்கப்பட மாட்டாது.
மேலும், கடந்த கால சட்டவிரோத ஒதுக்கீடுகள் குறித்து நீதிமன்றம் வழங்கும் இறுதித் தீர்ப்பின் அடிப்படையில் அரசாங்கம் அடுத்தகட்ட கடுமையான சட்ட நடவடிக்கைகளை மேற்கொள்ளும். எஞ்சியுள்ள அரச காணிகள் அனைத்தும் தூதரகங்கள் மற்றும் பொதுத் தேவைகளுக்கு மட்டுமே பயன்படுத்தப்படும்.
பத்தரமுல்ல பகுதியை முறையான நிர்வாக நகரமாக மாற்றும் பணிகள் திட்டமிட்டபடி தொடர்ந்து முன்னெடுக்கப்படும்" என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024