கோட்டாபயவுடனான பேச்சில் பங்கேற்பதா? கூட்டமைப்பின் நிலைப்பாடு வெளிவந்தது...

meeting tna Rajavarothiam Sampanthan gotabaya

By Vanan Jan 23, 2022 08:53 AM GMT

Vanan

in இலங்கை

Report

அரச தலைவர் கோட்டாபய ராஜபக்சவுடனான பேச்சில் பங்கேற்பதா? இல்லையா? என்பதை தாம் பரிசீலித்து முடிவெடுப்போம் என தமிழ்த் தேசியக் கூட்டமைப்பின் தலைவர் இரா.சம்பந்தன் ( R. Sampanthan) தெரிவித்துள்ளார்.

அரச தலைவரின் கொள்கைப் பிரகடன உரையைக் காட்டமாக விமர்சித்துள்ள நிலையில், அரச தலைவருடனான பேச்சுக்களில் கூட்டமைப்பு பங்கேற்குமா என எழுப்பப்பட்ட கேள்விக்கே அவர் இவ்வாறு பதிலளித்தார்.

அவர் மேலும் பதிலளிக்கையில், “அரச தலைவர் கோட்டாபய ராஜபக்ச கடந்த 18ஆம் திகதி ஆற்றிய கொள்கைப் பிரகடன உரை நாட்டு மக்களை ஏமாற்றும் விதத்திலேயே அமைந்துள்ளது. பல்லாண்டு காலமாக தமிழ் மக்கள் எதிர்பார்க்கும் அரசியல் தீர்வு தொடர்பில் அவர் வாய் திறக்கவில்லை.

இந்த நிலையில், அவர் தலைமையிலான அரசாங்கம் எம்மைப் பேச்சு மேசைக்கு உத்தியோகபூர்வமாக அழைப்பு விடுத்தால், அதில் நாம் பங்கேற்பதா அல்லது சர்வதேச மத்தியஸ்தத்துடன் பங்கேற்பதா என்று மிகவும் கவனமாகப் பரிசீலித்து முடிவெடுப்போம்.

ஏனெனில், இந்தக் கருமம் மிகவும் முக்கியமானது. நாம் எதனையும் குழப்பவும் விரும்பமாட்டோம் - அதேவேளை ஏமாறவும் தயாராக இருக்கமாட்டோம் எனக் குறிப்பிட்டுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்