குற்றங்களை தடுக்க அரச தரப்பினர் ஒத்துழைப்பு வழங்க வேண்டும்: தேசபந்து தென்னக்கோன்
காவல்துறையினர், விசேட அதிரடிப் படையினர் மற்றும் இராணுவத்தினர் குற்றச்செயல்களை கட்டுப்படுத்தும்போது சமுதாய காவல்துறை குழுக்கள் ஒத்துழைப்பை வழங்கவேண்டும் என காவல்துறை மா அதிபர் தேசபந்து தென்னக்கோன் தெரிவித்துள்ளர்.
யாழ்ப்பாணத்தில் சமுதாய காவல்துறை குழுக்களுடன் பொதுமக்கள், பாதுகாப்பு அமைச்சர் டிரான் அலஸ் மற்றும் காவல்துறை மா அதிபர் தேசபந்து தென்னக்கோன் உள்ளிட்டவர்கள் கலந்துரையாடும் நிகழ்வொன்று நேற்று(17) நடைபெற்றுள்ளது.
குறித்த நிகழ்வில் கலந்துகொண்ட போதே தேசபந்து இதனை தெரிவித்துள்ளார்.
காவல்துறை
இது தொடர்பாக அவர் மேலும் தெரிவிக்கையில், “யாழ்ப்பாணம் காங்கேசன்துறை காவல்துறை பிராந்தியத்தில் உள்ள 255 கிராம சேவையாளர் பிரிவுகளிலும் சமுதாய காவல்துறை குழுக்கள் உருவாக்கப்பட்டுள்ளது.
கிராமத்தில் உள்ள வாக்காளர் பதிவேட்டில் உள்ள பெயர்களுக்கு மேலதிகமாக யார் யார் கிராமத்தில் இருக்கிறார்கள் என்பதை நீங்கள் அறிந்திருக்க வேண்டும்.
குற்றச்செயல்களுடன் தொடர்புபட்டவர், போதைப்பொருள் வியாபரத்துடன் தொடர்புபட்டவர், தேடப்படும் குற்றவாளிகள், தீவிரவாதிகள் மற்றும் பயங்கரவாதிகள் கிராமங்களில் பதுங்கி இருக்கலாம்.
யுத்தம்
அவ்வாறானவர்களை காவல்துறையினர் மற்றும் காவல்துறை புலனாய்வாளர்களால் கண்டுபிடிப்பது சிரமமென்பதால் அதன்போது சமுதாய காவல்துறை குழுக்கள் காவல்துறையினருக்கு உதவவேண்டும்.
மேலும் 30 வருட யுத்தம் காரணமாகவும் மற்றும் ஈஸ்டர் தாக்குதல் காரணமாகவும் பல்வேறு நெருக்கடி ஏற்பட்ட நிலையில் அவ்வாறான ஒரு விடயத்தை இனிமேல் ஏற்படுத்த அனுமதிக்க முடியாது.
தென்மாகாணத்தில் அண்மைக் காலமாக துப்பாக்கிச் சூட்டு சம்பவங்கள் அதிகரித்துள்ள நிலையில் அவ்வாறான ஒன்றை வடக்கிலும் அனுமதிக்க முடியாது.
காவல்துறை விசேட அதிரடிப் படையினர மற்றும் இராணுவத்தினர் இவற்றை கட்டுப்படுத்தும்போது சமுதாய காவல்துறை குழுக்கள் ஒத்துழைப்பை வழங்கவேண்டும்.
போதைப்பொருள்
யுக்திய நடவடிக்கை மூலம் போதைப்பொருள் குற்றவாளிகள் மற்றும் பாதாள உலக கோஷ்டியினர் பலரும் கைது செய்யப்பட்டதுடன் அவர்களின் சொத்துக்களும் பறிமுதல் செய்யப்பட்டுள்ளது.
இதற்கு வடக்கில் உள்ளவர்களும் தங்கள் ஒத்துழைப்பை வழங்க வேண்டும் அத்தோடு 119 அவசர காவல்துறை தொலைபேசி அழைப்பு சேவையில் மொழி ரீதியான சிக்கல்களை தமிழ் மக்கள் எதிர்கொண்டனர்.
அதனை நிவர்த்தி செய்யும் பொருட்டு அதிபர் மற்றும் பொதுமக்கள் பாதுகாப்பு அமைச்சரின் வழிகாட்டலுக்கமைய 107 என்கிற தமிழ் மொழில மூல அவசர காவல்துறை தொலைபேசி அழைப்பு சேவை வவுனியாவில் அறிமுகப்படுத்தப்பட்டது.
குறித்த 107 என்ற இலக்கத்திற்கு நாட்டின் எப்பாகத்தில் இருந்தும் தமிழ் மொழி மூலமான முறைப்பாட்டை மேற்கொள்ளமுடியும்” என தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், கொழும்பு, Paris, France, Zürich, Switzerland
13 Apr, 2026
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
