உலகிலேயே மிகவும் அமைதியான நாடு எது தெரியுமா..!
உலகிலேயே மிகவும் அமைதியான நாடுகள் பட்டியலில், இந்த ஆண்டும் ஐஸ்லாந்தே முதலிடத்தை தக்கவைத்துள்ளது.
உலகளாவிய அமைதி குறியீட்டு பட்டியலை சர்வதேச சிந்தனை குழுவான பொருளாதாரம் மற்றும் அமைதி நிறுவனம் ஆண்டுதோறும் வெளியிட்டு வருகிறது.
அந்த வகையில் 2023ம் ஆண்டுக்கான அமைதியான நாடுகள் பட்டியலை வெளியிட்டுள்ளது.
131வது இடத்தில் அமெரிக்கா
வன்முறை, குற்றம், பயங்கரவாதம் மற்றும் சர்வதேச மோதல்கள் போன்ற அம்சங்கள் அடிப்படையில் தரவரிசை தயார் செய்யப்படுகிறது.
131வது இடத்தை அமெரிக்கா பெற்றுள்ளது. எனினும் அதிகம் வன்முறைகள் நடக்கும் சீனா, சவூதி அரேபியா, எல்சால்வடார் மற்றும் ஹோண்டுராஸ் போன்ற நாடுகள், அமெரிக்காவை விட அமைதியானவை என்பது குறிப்பிடத்தக்கது.
பிரிட்டன் 37வது இடத்திலும், ஆஸ்திரேலியா 22வது இடத்திலும் உள்ளன.
அமைதியான முதல் 10 நாடுகள்
1 ஐஸ்லாந்து
2 டென்மார்க்
3 அயர்லாந்து
4 நியூசிலாந்து
5 ஆஸ்திரியா
6 சிங்கப்பூர்
7 போர்ச்சுக்கல்
8 ஸ்லோவேனியா
9 ஜப்பான்
10 சுவிட்சர்லாந்து
பாதுகாப்பான நாடு
அமைதிக்கான மூன்று முக்கிய அம்சங்களில் ஒன்றான பாதுகாப்பை பொறுத்தவரை, உலகின் பாதுகாப்பான நாடாக பின்லாந்து உருவெடுத்துள்ளது.
பாதுகாப்பை மதிப்பிடுவதற்கு, கொலைகளின் எண்ணிக்கை மற்றும் சிறைவாசிகளின் எண்ணிக்கை போன்ற புள்ளிவிவரங்களை கணக்கில் எடுத்து கொள்ளப்படும்.
அந்த வகையில், பின்லாந்து உலகளவில் பாதுகாப்பான நாடாக விளங்குகின்றது.
