நாமலுக்கு விளக்கமறியல் நீடிப்பு : நீதிமன்றம் அதிரடி உத்தரவு

புதிய இணைப்பு

சர்ச்சைக்குரிய ‘கிரிஷ்’ ஒப்பந்தம் தொடர்பான வழக்கில் விளக்கமறியலில் வைக்கப்பட்டுள்ள நாடாளுமன்ற உறுப்பினர் நாமல் ராஜபக்ச மற்றும் கிரிஷ் குழுமத்தின் முன்னாள் நிறைவேற்றுப் பணிப்பாளரும் தொழிலதிபருமான ஜானகி சிறிவர்தன ஆகியோரின் விளக்கமறியல் நீடிக்கப்பட்டுள்ளது.

குறித்த இருவரின் விளக்கமறியலையும் இம்மாதம் 23 ஆம் திகதி வரை நீடித்து கொழும்பு பிரதம நீதவான் நீதிமன்றம் உத்தரவிட்டுள்ளது.

கிரிஷ்’ ஒப்பந்தம் தொடர்பான வழக்கு இன்று விசாரணைக்கு எடுத்துக்கொள்ளப்பட்ட போதே இந்த உத்தரவு பிறப்பிக்கப்பட்டுள்ளது.

இலஞ்ச ஊழல் விசாரணை ஆணைக்குழு

இதேவேளை சந்தேக நபரான ஜானகி சிறிவர்தன தரப்பில் சமர்ப்பிக்கப்பட்ட பிணை மனுவை நீதவான் நிராகரித்துள்ளதாக தெரிவிக்கப்படுகின்றது.

அத்துடன் நாமல் ராஜபக்சவின் பிணை உத்தரவு இன்னும் தயாரிக்கப்படாததால், அது அடுத்த வழக்கு விசாரணை நாளில் அறிவிக்கப்படும் என கொழும்பு பிரதம நீதவான் அசங்க எஸ். போதரகம குறிப்பிட்டுள்ளார்.

கிரிஷ் நிறுவனத்தின் நடவடிக்கைகளுடன் தொடர்புடைய வகையில் 70 மில்லியன் ரூபாய் பணத்தை இலஞ்சமாக வழங்கியமை மற்றும் பெற்றுக் கொண்டமை உள்ளிட்ட குற்றச்சாட்டுகளின் அடிப்படையில், இலஞ்ச ஊழல் விசாரணை ஆணைக்குழுவினால் சந்தேக நபர்கள் கைது செய்யப்பட்டு நீதிமன்றத்தில் முன்னிலைப்படுத்தப்பட்டமை குறிப்பிடத்தக்கது.

ஷிரந்தி தொடர்பில் இன்று நீதிமன்றில் சமர்ப்பிக்கப்படவுள்ள முக்கிய அறிக்கை

முதலாம் இணைப்பு

சற்றுமுன் நீதிமன்றுக்கு அழைத்து வரப்பட்ட நாமல்!

சர்ச்சைக்குரிய ‘கிரிஷ்’ (Krrish) ஒப்பந்தம் தொடர்பான விசாரணைகளுக்காக விளக்கமறியலில் வைக்கப்பட்டுள்ள நாடாளுமன்ற உறுப்பினர் நாமல் ராஜபக்ச, கொழும்பு நீதவான் நீதிமன்றத்திற்கு அழைத்து வரப்பட்டுள்ளார்.

குறித்த வழக்கு இன்று (16) கொழும்பு பிரதம நீதவான் அசங்க எஸ். போதரகம முன்னிலையில் விசாரணைக்கு எடுத்துக்கொள்ளப்படவுள்ளது.

இந்தநிலையில் நீதிமன்ற நடவடிக்கைகளுக்காக, சிறைச்சாலை அதிகாரிகள் நாமல் ராஜபக்சவை நீதிமன்றத்திற்கு அழைத்து வந்துள்ளனர்.

கிரிஷ் ஒப்பந்த நிதி மோசடி : தொழிலதிபரின் அறிவிப்பு

ஞானசார தேரருக்கு பொது மன்னிப்பு:உறுதியான பதிலை வழங்காத ஜனாதிபதி செயலாளர்