சீனாவுக்கு குரங்குகளை அனுப்பும் திட்டம் கைவிடப்பட்டது ஏன்!(படங்கள்)
சீனாவுக்கு குரங்குகளை அனுப்புவதற்கு முயற்சி செய்த போது சுற்றாடல் அதிகார சபையால் வழக்கு தொடுக்கப்பட்டதனால் இடைநடுவில் கை விடப்பட்டதாக விவசாய அமைச்சர் மஹிந்த அமரவீர தெரிவித்துள்ளார்.
முல்லைத்தீவு மாவட்ட விவசாய அமைப்பு திணைக்களங்களுடனான சந்திப்பு ஒன்று இன்று (14) காலை 9.30 மணியளவில் முல்லைத்தீவு மாவட்ட செயலகத்தின் மாநாட்டு மண்டபத்தில் இடம்பெற்றது.இதன்போதே அவர் மேற்கண்டவாறு தெரிவித்தார்.
இதன் போது அழிவடைந்த பயிர்ச்செய்கைக்கான காப்புறுதி காசோலைகள் வழங்கி வைக்கப்பட்டிருந்தது.
கலந்துரையாடல்
விவசாய நடவடிக்கைகள் தொடர்பாக கலந்துரையாடப்பட்டதுடன், கடந்த கால உழுந்து, பயறு செய்கை தொடர்பாகவும், கடந்த கால மற்றும் எதிர்கால நெற் பயிர்ச்செய்கை, பயிர்ச்செய்கையின் போது யானையின் தாக்கம் தொடர்பாகவும் கலந்துரையாடப்பட்டதுடன் விவசாயிகளது கோரிக்கைகளும் முன்வைக்கப்பட்டிருந்தது.
முல்லைத்தீவு மாவட்டத்தில் யானை, குரங்குகளது அச்சுறுத்தல் இருப்பதாக விவசாயிகள், விவசாய அமைச்சிடம் முன்வைத்திருந்தனர்.
இதன் போதே விவசாய அமைச்சர் மஹிந்த அமரவீர இவ்வாறு தெரிவித்துள்ளார்.
தலைமையில்
முல்லைத்தீவு மாவட்ட அரசாங்க அதிபர் அ.உமாமகேஸ்வரன் தலைமையில் ,இந் நிகழ்வு இடம்பெற்றது.
இடம்பெற்ற நிகழ்வில் விவசாய அமைச்சர் மஹிந்த அமரவீர, கிராமிய இராஜாங்க அமைச்சர் மஸ்தான், வடமாகாண பிரதம செயலாளர் சமன் பந்துலசேன , மாவட்ட மேலதிக அரசாங்க அதிபர் (காணி) எஸ்.குணபாலன், மாவட்ட மேலதிக அரசாங்க அதிபர் (நிர்வாகம்) க.கனகேஸ்வரன், முல்லைத்தீவு மாவட்ட நீர்ப்பாசன திணைக்கள பொறியியலாளர் எஸ்.விகிதரன் , கமநல சேவைகள் நிலைய உதவி பணிப்பாளர் பரணிதரன், பிரதி மாகாண விவசாய பணிப்பாளர் ஜாமினி சுசீல்டன் மற்றும் அரச உயர் அதிகாரிகள், விவசாய அமைப்புகளின் பிரதிநிதிகள் என பலரும் பங்கேற்றிருந்தனர்.
இளவாலை, Brisbane, Australia, Harrow, United Kingdom
06 Sep, 2025
தெல்லிப்பழை, கொழும்பு, London, United Kingdom
13 Sep, 2022
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மலேசியா, Malaysia, யாழ்ப்பாணம், Markham, Canada, Brampton, Canada
06 Sep, 2025
