யாழ். பல்கலை விரிவுரையாளர் தயாளினியின் கொலை வழக்கு - மகளுக்கு நீதிமன்றத்தின் உத்தரவு

Sri Lanka Police Jaffna University of Jaffna Crime Court of Appeal of Sri Lanka

By Thulsi Oct 16, 2026 04:04 AM GMT

Thulsi

in சமூகம்

Report

யாழ்ப்பாணப் பல்கலைக்கழக சித்த மருத்துவ பீடத்தின் விரிவுரையாளரான மருத்துவர் தயாளினி திலீபனின் உயிரிழப்பு தொடர்பான வழக்கை யாழ். மேல் நீதிமன்ற நீதிபதி ஒத்தி வைத்துள்ளார்.

அந்தவகையில், சந்தேகநபராக குறிப்பிடப்பட்டுள்ள அவரது மகள் தாக்கல் செய்த பிணை மனு மீதான விசாரணை எதிர்வரும் நவம்பர் 5 ஆம் திகதிக்கு ஒத்தி வைக்கப்பட்டுள்ளது.

குறித்த பிணை மனு யாழ்ப்பாணம் மேல் நீதிமன்ற நீதிபதி எஸ். சதீஸ்வரன் முன்னிலையில் பரிசீலனைக்கு எடுத்துக்கொள்ளப்பட்டது.

சந்தேகநபருக்குப் பிணை

இதன்போது, குறித்த வழக்கு தொடர்பான சுருக்க முறையற்ற விசாரணை யாழ்ப்பாணம் நீதவான் நீதிமன்றத்தில் இதுவரை நிறைவடையவில்லை என அரச தரப்பு சட்டத்தரணி மாதினி விக்னேஸ்வரன் நீதிமன்றத்தில் தெரிவித்துள்ளார்.

யாழ். பல்கலை விரிவுரையாளர் தயாளினியின் கொலை வழக்கு - மகளுக்கு நீதிமன்றத்தின் உத்தரவு | Murder Case Jaffna University Lecturer Thayalini

மேலும், வழக்குடன் தொடர்புடைய சான்றுப் பொருட்கள் தொடர்பான அரச இரசாயனப் பகுப்பாய்வு அறிக்கையும் இதுவரை கிடைக்கவில்லை என அவர் குறிப்பிட்டுள்ளார்.

குறித்த சான்றுப் பொருட்களில் உயிரிழந்த மருத்துவர் தயாளினி திலீபனின் நகைகளும் உள்ளடங்குவதாக நீதிமன்றத்தில் தெரிவிக்கப்பட்டுள்ளது. இந்தக் காரணங்களை முன்வைத்து, சந்தேகநபருக்குப் பிணை வழங்குவதற்கு அரச தரப்பில் ஆட்சேபனை தெரிவிக்கப்பட்டுள்ளது.

இதனையடுத்து, குறித்த பிணை மனுவை எதிர்வரும் நவம்பர் 5 ஆம் திகதி மீண்டும் விசாரணைக்கு எடுத்துக்கொள்வதற்கு யாழ்ப்பாணம் மேல் நீதிமன்ற நீதிபதி உத்தரவிட்டுள்ளார்.