நாடளாவிய எரிவாயு தட்டுப்பாடு : லிட்ரோ நிறுவனம் விடுத்துள்ள அறிவிப்பு
தற்போது நாடளாவிய ரீதியில் எரிவாயு தட்டுப்பாடு ஏற்பட்டுள்ள நிலையில் நவம்பர் மாதத்திற்காக மூன்று மில்லியன் சமையல் எரிவாயு கொள்கலன்களை சந்தைக்கு விநியோகிக்க லிட்ரோ எரிவாயு நிறுவனத்திற்கு திறன் உள்ளதாக அந்நிறுவனம் தெரிவித்துள்ளது.
அனைத்து வணிக வாடிக்கையாளர்களுக்கும் தேவையான எரிவாயுவை சந்தைக்கு விநியோகிப்பதன் மூலம் முழுமையான எரிவாயு தேவையைப் பூர்த்தி செய்ய முடியும் என அதன் விற்பனை, சந்தைப்படுத்தல் மற்றும் நிறுவன தொடர்புகள் பணிப்பாளர் ஜனக்க பத்திரண தெரிவித்தார்.
ஒரு மாதத்திற்கு தேவையான எரிவாயு
சாதாரணமாக ஒரு மாதத்திற்கு லிட்ரோ நிறுவனத்திற்கு 32,000 மெட்ரிக் தொன் எரிவாயுவும், போட்டியாளரான நிறுவனத்திற்கு 6,000 மெட்ரிக் தொன் எரிவாயுவுமாக மொத்தம் 38,000 மெட்ரிக் தொன் தேவைப்படுவதாகவும், தற்போதைய எரிவாயு தேவையைக் கருத்திற்கொண்டு நவம்பர் மாதத்திற்காக 44,000 மெட்ரிக் தொன் ஜியோ காஸ் (Geo Gas) நிறுவனம் ஊடாக கொள்வனவு செய்யப்பட்டு அவை உறுதிப்படுத்தப்பட்டுள்ளதாகவும் அவர் குறிப்பிட்டார்.
அத்துடன், 3,900 மெட்ரிக் தொன் எரிவாயுவை ஏற்றிவந்துள்ள 'குட்வில்' (Goodwill) கப்பல் தற்போது தரையிறக்கும் பணிகளில் ஈடுபட்டு வருவதாகப் பணிப்பாளர் மேலும் தெரிவித்தார்.
எரிவாயுவுடன் நாளை வருகிறது கப்பல்
மேலும் 3,900 மெட்ரிக் தொன் எரிவாயுவை ஏற்றிய 'கொரண்டைன்' (Quarantine) கப்பல் நாளை (01) நாட்டை வந்தடையவுள்ளதாகவும் அவர் கூறினார்.
இதன் மூலம் இன்று (31) பிற்பகலில் கொழும்புக்கு வழமை போன்று எரிவாயு விநியோகம் இடம்பெறுவதுடன், ஏனைய பகுதிகளுக்கு நாளை (01) முதல் விநியோகப் பணிகளை வழமை போன்று முன்னெடுக்க முடியும் எனவும் அவர் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
அல்லைப்பிட்டி, பிரான்ஸ், France
12 Nov, 2011
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
