நற்சான்றுப் பத்திரங்களைக் கையளித்த புதிய உயர்ஸ்தானிகர் மற்றும் தூதுவர்கள்

Ranil Wickremesinghe Sri Lanka Sagala Ratnayaka

By Sathangani Feb 02, 2024 06:31 AM GMT

Sathangani

in அரசியல்

Report

இலங்கைக்குப் புதிதாக நியமிக்கப்பட்டிருக்கும் புதிய உயர்ஸ்தானிகர் மற்றும் தூதுவர்கள் மூவர் அதிபர் ரணில் விக்ரமசிங்கவிடம் தமது நற்சான்றுப் பத்திரங்களைக் கையளித்தனர்.

குறித்த நிகழ்வு நேற்று (01) அதிபர் அலுவலகத்தில் நடைபெற்றது.

எசுவாத்தினி இராஜ்ஜியத்தின் உயர்ஸ்தானிகர் மற்றும் கிரிகிஸ், ருமேனியா, துர்க்மெனிஸ்தான் நாடுகளின் புதிய தூதுவர்களே இவ்வாறு புதிதாக நியமனம் பெற்றுள்ளனர்.

சாகல ரத்நாயக்கவுடன் கலந்துரையாடல்

இதன்போது எசுவாத்தினி இராஜ்ஜியத்தின் உயர்ஸ்தானிகர் மென்சி சிபோ டிலாமினி (Mr. Menzie Sipho Dlamini - High Commissioner of the Kingdom of Eswatini), ருமேனியா தூதுவர் ஸ்டெலுடா அர்ஹைர் (Ms. Steluta Arhire - Ambassador of Romania), கிரிகிஸ் குடியரசின் தூதுவர் அஸ்கர் பெஷிமோவ் (Mr. Askar Beshimov - Ambassador of the Kyrgyz Republic), துர்க்மெனிஸ்தானின் தூதுவர் ஷலர் கெல்டினசரோவ் (Mr. Shalar Geldynazarov Ambassador of Turkmenistan) ஆகியோரே நற்சான்றுப் பத்திரங்களை கையளித்தனர்.

நற்சான்றுப் பத்திரங்களைக் கையளித்த புதிய உயர்ஸ்தானிகர் மற்றும் தூதுவர்கள் | New Heads Of Mission Presented Letters Of Credence

இந்நிகழ்வில் வெளிநாட்டலுவல்கள் இராஜாங்க அமைச்சர் தாரக்க பாலசூரிய மற்றும் அதிபரின் செயலாளர் சமன் ஏக்கநாயக்க உள்ளிட்டவர்களும் கலந்துகொண்டனர்.

அதனையடுத்து நேற்று நியமனம் பெற்ற உயர்ஸ்தானிகரும் தூதுவர்களும் தேசிய பாதுகாப்பு தொடர்பிலான அதிபரின் சிரேஷ்ட ஆலோசகரும் அதிபர் பணிக்குழாம் பிரதானியுமான சாகல ரத்நாயக்கவுடன் கலந்துரையாடலில் ஈடுபட்டமை குறிப்பிடத்தக்கது.