புதிய காவல்துறைமா அதிபரின் நியமனம் : சஜித்தின் நிலைப்பாடு

Sri Lanka Police Sajith Premadasa Sri Lanka

By Beulah Dec 03, 2023 01:55 AM GMT

Beulah

in சமூகம்

Report

அரசியலமைப்பு பேரவையின் விடயங்களை வெளிப்படையாக கதைப்பதில்லை, என்றாலும் சில சந்தர்ப்பங்களில் தெளிவில்லாத நிலை ஏற்படும்போது அது தொடர்பில் விளக்கமளிப்பது எமது கடமையாகும் என எதிர்க்கட்சித் தலைவர் சஜித் பிரேமதாச தெரிவித்துள்ளார்.

நாடாளுமன்றத்தில் சனிக்கிழமை (02) விசேட கூற்றொன்றை முன்வைத்து குறிப்பிடுகையிலேயே அவர் மேற்கண்டவாறு குறிப்பிட்டுள்ளார்.

இது தொடர்பாக அவர் தொடர்ந்து தெரிவிக்கையில்.

அரசியலமைப்பு பேரவை

“விசேடமாக காவல்துறைமா அதிபர் ஒருவரை நியமிக்கும் நடவடிக்கை இடம்பெற்றது.

புதிய காவல்துறைமா அதிபரின் நியமனம் : சஜித்தின் நிலைப்பாடு | New Igp Sajith Premadasa Sl Police

அந்த நியமனத்துக்கு அரசியலமைப்பு பேரவை அனுமதி வழங்கியதாக பல வெளியீட்டு நிறுவனங்கள் தெரிவித்திருந்தன. அது உண்மை.

என்றாலும் காவல்துறைமா அதிபருக்கு அனுமதி வழங்கப்பட்டபோது, அதற்கு அரசியலமைப்பு பேரவையின் அனைவரும் அனுமதி வழங்கியதாகவே நாட்டு மக்கள் மத்தியல் கருத்து நிலவி வருகிறது.

அது அவ்வாறு இல்லை. அரசியலமைப்பு பேரவையின் 5 இல் 3 தீர்மானத்தின் பிரகாரமே அது இடம்பெற்றது.

அதாவது புதிய காவல்துறைமா அதிபர் நியமனத்துக்கு அரசியலமைப்பு பேரவை அனுமதி அளிக்கும்போது நானும் கபீர் ஹாசிமும் மற்றும் பேரவையின் மேலுமொரு நபரும் அந்த தீர்மானத்துக்கு இணக்கம் தெரிவிக்கவில்லை.

நாட்டு மக்களுக்கு தெளிவுபடுத்தும் நோக்கிலேயே இந்த விடயத்தை தெரிவிக்கிறேன்.” என்றார்.