பிரித்தானியாவில் தடைப்பட்ட புத்தாண்டு கொண்டாட்டங்கள்!
Dilakshan
in ஐக்கிய இராச்சியம்
பிரித்தானியாவின் (UK) வானிலை ஆய்வு மையம் நாட்டின் பல்வேறு பகுதிகளுக்கு தொடர்ச்சியான சீரற்ற வானிலை எச்சரிக்கைகளை விடுத்து வருகிறது.
இந்த நிலையில், பிரித்தானியாவின் பல பிரதேசங்களில் புத்தாண்டு கொண்டாட்டங்கள் ரத்து செய்யப்பட்டுள்ளதாக தெரிவிக்கப்படுகிறது.
அதன்படி, பிளாக்பூல்(Blackpool), நியூகேஸில்(Newcastle), ஐல் ஆஃப் வைட்(Isle of Wight) மற்றும் ரிப்பன்(Ripon) போன்ற இடங்களில் திட்டமிடப்பட்ட பல பிரபலமான பட்டாசு வெடித்தல் நிகழ்ச்சிகள் கடுமையான காற்று வீசும் என எதிர்பார்க்கப்பட்டதால் ரத்து செய்யப்பட்டுள்ளன.
திருவிழா ரத்து
இதேவேளை, எடின்பர்க்கில்(Edinburgh) நடைபெறும் புகழ்பெற்ற ஹோக்மனே(Hogmanay) திருவிழாவும் ஏற்கனவே ரத்து செய்யப்பட்டுள்ளது.
மேலும், சஃபோல்க்(Suffolk) மாகாணத்தில் உள்ள லோஸ்டோஃப்டில்(Lowestoft), புத்தாண்டு தினத்தன்று நடைபெறவிருந்த இரண்டு பட்டாசு வெடித்தல் நிகழ்ச்சிகள் பாதுகாப்பை முன்னிட்டு சனிக்கிழமைக்கு ஒத்திவைக்கப்பட்டுள்ளன.
எச்சரிக்கை
இந்த நிலையில், நியூகாஸில் நகர சபை, புத்தாண்டு தின பட்டாசு வெடித்தல் நிகழ்ச்சியை ரத்து செய்ததற்கு வருத்தம் தெரிவித்துள்ளதாக கூறப்படுகிறது.
அத்துடன், கணிக்கப்பட்ட வானிலை நிலைமைகள் பங்கேற்பாளர்கள் மற்றும் நிகழ்வு பணியாளர்கள் இருவருக்கும் குறிப்பிடத்தக்க அபாயங்களை ஏற்படுத்தும் என்று எச்சரிக்கை தெரிவித்துள்ளது.
இதேவேளை, குடியிருப்பாளர்கள் தங்கள் பகுதியின் உள்ளூர் வானிலை முன்னறிவிப்புகளை கவனமாக கண்காணிக்குமாறும் கேட்டுக் கொள்ளப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
இளவாலை, Brisbane, Australia, Harrow, United Kingdom
06 Sep, 2025
தெல்லிப்பழை, கொழும்பு, London, United Kingdom
13 Sep, 2022
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
மலேசியா, Malaysia, யாழ்ப்பாணம், Markham, Canada, Brampton, Canada
06 Sep, 2025
புங்குடுதீவு 10ம் வட்டாரம், சென்னை, India, Toronto, Canada
09 Sep, 2023
